«QazMunaıGaz» janarmaı quıý stansalaryna AI-92, AI-95 markaly benzındi shekteýsiz ótkizýde
ASTANA. QazAqparat - «QazMunaıGaz - óńdeý jáne marketıng» AQ (QMG-ÓM) QR Úkimetiniń ishki naryqta jaǵdaıdy turaqtandyrý boıynsha qabyldanyp jatqan sharalar aıasynda «QazMunaıGaz Ónimderi» JShS QR-ǵa qazan aıynda AI-92 markaly benzınin 106,7 myń tonna kóleminde, onyń ishinde RF-den 87,2 myń tonna kóleminde jetkizýge shartty jasasqandyǵyn málim etti.
Bul týraly «QazMunaıGaz - óńdeý jáne marketıng» AQ Korporatıvtik kommýnıkatsııalar qyzmetinen habarlady.
2014 jylǵy qyrkúıekten qazanǵa deıingi kezeńde atalǵan kólemderdi tıep-jóneltý kólemi 66,1 myń tonnany qurady. Ákelinetin ónimniń sapasy K-2, K-3 jáne K-5 klastaryna sáıkes keledi.
RF jáne basqa memleketterdiń MÓZ-derinen AI-92 markaly benzınin táýliktik tıep-jóneltilýi 2,8-3,0 myń tonnaǵa jetkizilip otyr.
K-5 ekologııalyq klasty ımporttalatyn munaı ónimderi Keden odaǵy jáne Eýropa odaǵy elderi naryqtarynyń talaptaryna sáıkes keledi.
K-5 klasty AI-92 markaly benzıni Astana, Almaty qalalaryndaǵy, Aqtóbe, Shyǵys Qazaqstan, Batys Qazaqstan jáne Qaraǵandy oblystaryndaǵy «QazMunaıGaz» JMQS bólshek saýda jelisi arqyly ótkiziletin bolady.
AI-92 jáne AI-95 markaly avtobenzınin jáne dızel otynyn «QazMunaıGaz» barlyq JMQS-larynda 2014 jyldyń 20 qazanynan bastap bólshek saýda arqyly ótkizý eshqandaı shekteýsiz júzege asyrylýda.
Sonymen qatar, ishki naryqty JJM-men molaıtý maqsatynda 3 qazaqstandyq MÓZ-de munaı ónimderin óńdeý jáne shyǵarý kólemi artty. Aǵymdaǵy jyldyń qańtarynan qyrkúıegine deıingi kezeńde otandyq MÓZ-de 10 993, 346 myń tonna munaı óńdeldi, bul 2013 jyldyń sáıkes kezeńimen salystyrǵanda, 3,4 %-ǵa artyq.
