«QazMunaıGaz» vıtse-prezıdenti jumysynan shyǵaryldy

ASTANA. QazAqparat - Búgin Úkimettiń selektorlyq rejimdegi otyrysynda QR Premer-Mınıstri Baqytjan Saǵyntaev «QazMunaıGaz» vıtse-prezıdenti Danııar Berlibaevty qyzmetinen bosatty, dep habarlaıdy QazAqparat.

Úkimet basshysy ulttyq kompanııa vıtse-prezıdenti eldegi benzınge qatysty ahýaldy retteýde óziniń mindetin oryndaı almaǵandyǵyn basa aıtty.

«Premer-Mınıstr jáne «Samuryq-Qazyna» UK» AQ Dırektorlar keńesiniń tóraǵasy retinde óz mindetin tıisti deńgeıde oryndaı almaǵan «QazMunaıgaz» basqarmasy tóraǵasyna sógis túrindegi tártipti jazany belgileý boıynsha sharalardy belgilengen tártippen qabyldaýdy tapsyramyn. Sonymen qatar óz mindetin tıisti deńgeıde oryndaı almaǵan «QazMunaıGaz» UK» basqarmasy tóraǵasynyń orynbasary Danııar Berlibaevtyń ókilettigin toqtatý týraly sheshim qabyldaý qajet», - dedi Baqytjan Saǵyntaev.