«QazMunaıGaz» UMK «Aqtaýmunaıservıs» JShS-niń jarǵylyq kapıtalynyń 100 paıyzyn tolyqtaı satyp aldy
ALMATY. 10 maýsym. QazAqparat /Erbol Azanbek/ -Búgin Almatyda «QazMunaıGaz» UK AQ «Aqtaýmunaıservıs» JShS-niń jarǵylyq kapıtalynyń 100 paıyzyn satyp alý jóninde mámile jasady. Buǵan sáıkes QMG UMK «Aqtaýmunaıservıs» JShS-niń tolyq ıesi atandy.
«Aqtaýmunaıservıs» JShS «Mańǵystaýmunaıgaz» AQ-ynda munaı-servıstik qyzmetter kórsetýmen (90% astam qyzmet) aınalysady. Satyp alýǵa sáıkes «Aqtaýmunaıservıs» JShS QMG UK-niń enshiles uıymy «Cooperative KMG PKI UA» tıeseli bolady. Bul kompanııa Mańǵystaýmunaıgazdyń 50 paıyzyn ıemdenýshi bolyp tabylatynyn esterińizge sala keteıik. Satyp alý kezindegi baǵa 334 mln. AQSh dollaryn qurady.
«Jobany júzege asyrý Aqtaýmunaıservıstiń qyzmet kórsetý sapasyn arttyrýǵa múmkindik jasaýmen birge QMG kompanııalary tobyna sınergetıkalyq nátıje beredi» ,- deıdi QMG ókilderi.
