«QazMunaıGaz» ulttyq kompanııasynyń ótken jylǵy shoǵyrlandyrylǵan kirisi 2,3 trln. teńgeni qurady
ASTANA. 24 qańtar. QazAqparat /Marlan Jıembaı/ - «QazMunaıGaz» ulttyq kompanııasynyń ótken jylǵy shoǵyrlandyrylǵan kirisi 2,3 trln. teńgeni qurady. Bul týraly búgin «QazMunaıGaz» ulttyq kompanııasyndaǵy baspasóz máslıhaty barysynda taratylǵan málimetterde aıtylǵan.
«Aldyn ala aýdıtsiz derekter boıynsha «QazMunaıGaz» ulttyq kompanııasy 2010 jylǵy shoǵyrlandyrylǵan kirisi 2,3 trln. teńgeni qurady. Bul jospardaǵy kórsetkishten 10 paıyzǵa jáne 2009 jylǵy kórsetkishpen salystyrǵanda 15 paıyzǵa artyq», - delingen baspasóz habarlamasynda.
Taratylǵan aqparatqa sáıkes shoǵyrlandyrylǵan paıda kólemi 284 mlrd. teńgeni quraǵan. Bul 2009 jyldyń sáıkes kezeńindegi kórsetkishten 2,5 ese kóp.
Elimizdiń bıýdjetine salyqtar men basqa da mindetti tólemder túrinde 405,4 mlrd. teńgeden astam qarjy túsken. Bul oraıda jospar 10 paıyzǵa artyq oryndalyp otyr. Sonymen qatar 2009 jyldyń sáıkes kezeńindegi deńgeıden 31 paıyzǵa asyp túsken.
