«QazMunaıGaz» ulttyq kompanııasynda birqatar kadrlyq ózgerister boldy
qyzmetin atqarǵan Danııar Berlibaev taǵaıyndaldy», - dep habarlaıdy ulttyq kompanııanyń baspasóz qyzmeti.
Baspasóz málimetterine qaraǵanda, ulttyq kompanııanyń Basqarma tóraǵasynyń geologııa jáne perspektıvalyq jobalar jónindegi orynbasary qyzmetin endi buryn atalmysh kompanııanyń Bas geology qyzmetin atqarǵan Qurmanǵazy Esqazıev atqaratyn bolady. Al Basqarma tóraǵasynyń Óndirý jáne tehnıkalyq damytý jónindegi orynbasary qyzmetine «N Opereıtıng Kompanı» jaýapkershiligi shekteýli seriktestiginiń Bas dırektory qyzmetin atqarǵan Tımýr Bımaǵambetov taǵaıyndaldy.
Buǵan qosa kompanııanyń Basqarma tóraǵasynyń tasymaldaý ınfraqurylymy jónindegi orynbasary qyzmetin osy kompanııanyń Munaı tasymaldaý jónindegi basqarýshy dırektory qyzmetin atqarǵan Nurtas Shmanov atqaratyn bolady. Basqarma tóraǵasynyń óńdeý jáne munaı-hımııa jónindegi orynbasaryqyzmetine buryn Munaı óńdeý jáne marketıng jónindegi basqarýshy dırektory Danııar Tıesov taǵaıyndaldy. Basqarma tóraǵasynyń Innovatsııalyq damý jáne servıstik jobalar jónindegi orynbasary laýazymyna Servıstik jobalar jónindegi basqarýshy dırektory qyzmetin atqarǵan Maǵzum Myrzaǵalıev taǵaıyndaldy. Al zań qyzmetiniń basshysy bolyp buryn Quqyqtyq qamtamasyz etý jónindegi bas menedjeri qyzmetin atqarǵan Erjan Janǵaýylov taǵaıyndaldy.
