«QazMunaıGaz» ulttyq kompanııasyna jańa basqarýshy dırektor taǵaıyndaldy
TANA. 13 qazan. QazAqparat /Aıdar Ospanalıev/ - Danııar Ámirbaıuly Berlibaev «QazMunaıGaz» ulttyq kompanııasy» aktsıonerlik qoǵamynyń gaz jobalary jónindegi basqarýshy dırektory bolyp taǵaıyndaldy, dep habarlaıdy ulttyq kompanııanyń baspasóz qyzmeti.
Baspasóz málimetterine qaraǵanda, D.Berlibaev 1968 jyly týǵan. Ál-Farabı atyndaǵy Qazaq Memlekettik Ýnıversıtetin bitirgen. Munaı-gaz salasynda jumys tájirıbesi mol. Ár jyldary «QazTransOıl» munaı tasymaldaý ulttyq kompanııasy jabyq aktsıonerlik qoǵamynyń Qarjy jónindegi atqarýshy dırektory, osy kompanııa prezıdentiniń qarjy jáne ekonomıka jónindegi keńesshisi, «QazTransGaz» jabyq aktsıonerlik qoǵamy dırektorynyń birinshi vıtse-prezıdenti, birinshi orynbasary, «Munaı jáne Gaz tasymaldaý» kompanııasynyń Bas dırektorynyń birinshi orynbasary, «QazMunaıGaz» kompanııasynyń Korporatıvtik damý jónindegi basqarýshy dırektory, ekonomıka, qarjy jáne korporatıvtik basqarý jónindegi basqarýshy dırektory qyzmetterin atqarǵan. Sonymen qatar atalmysh azamat osyǵan deıin «QazaqTeńizKólikFloty» Ulttyq teńiz keme qatynasy kompanııasy», «Intergaz - Ortalyq Azııa», «QazTransGaz», sııaqty birqatar ujymdardy basqarǵan.
