«QazMunaıGaz» Ulttyq kompanııasy jáne «Semser Security» JShS magıstraldy munaı qubyrlaryna zańsyz qosylýmen kúres sharalaryn kúsheıtýde
ASTANA. 24 qarasha. QazAqparat - 24 qarashada Astana qalasynda «QazMunaıGaz» UK AQ birlesken baspasóz ortalyǵynda «Semser Security» JShS 10 jyldyǵy aýqymynda «Semser Security» JShS-iniń baspasóz máslıhaty ótti.
Onyń basty taqyryptary «Semser Security» JShS-niń ótken merzimdegi qyzmetiniń qorytyndysy jáne damý jospary bolyp, sonymen qatar QR zańnamasyndaǵy ózgeristerge baılanysty QMG UK kompanııa toptarynyń munaı qubyrlaryn munaı urlaý maqsatynda zańsyz qosylý jaǵdaıy talqylandy.
«Semser Security» JShS 10 jyldan beri ózi kúzetetin QMG kompanııalar toby obektilerine qatysty qylmystyń aldyn alý jáne onymen kúresý boıynsha belsendi de kóp josparly jumys júrgizýde.
Qazirgi ýaqytta osy kompanııanyń kúshimen 550 astam óndiristik jáne ákimshilik obektilerde kúzetý - tártiptik, órt sóndirý jáne basqa sharalar, respýblıka aýmaǵyndaǵy magıstraldyq munaı qubyrynyń jelilik bóliginiń 7500 shaqyrymynyń, gaz qubyrlarynyń 6100 shaqyrymynyń, sý qubyrlarynyń 2000 shaqyrymynyń jáne elektr júıelerdiń 11000 shaqyrymynyń qaýipsizdigi qamtamasyz etilýde.
Tek qana 2007 -2010 jyldar aralyǵynda «Semser Security» JShS óz betinshe jáne quqyq qorǵaý organdarymen birlese otyryp, munaı qubyrlaryna zańsyz qosylý arqyly munaı urlyǵymen aınalysqan 54 qylmystyq toptyń qyzmeti toqtatylyp, 150 adam jáne 80-nen astam munaı tasymaldaý kóligi ustaldy.
Zańsyz joldan qosylýdiń qoǵamdyq qaýpin jáne memleket múddesine keltiretin ekonomıkalyq zııannyń kólemin eskere otyryp, qylmystyń osy túrleri boıynsha jaýapkershilikti kúsheıtý máselesi zań shyǵarý deńgeıinde qoldandy.
Aǵymdaǵy jylǵy 16 qazanda Qazaqstan Respýblıkasynyń «Munaı jáne munaı ónimderiniń jeke túrleri aınalymy salasynda jaýapkershilikti kúsheıtý jóninde zańnamalyq aktilerge ózgerister men tolyqtyrýlar engizý týraly» Zańy qoldanysqa engizilgeni belgili.
Sóıtip, Qazaqstan Respýblıkasynyń Qylmystyq Kodeksinde munaı jáne munaı ónimderiniń paıda bolýyn rastaıtyn zańdy qujattarsyz olardy tasymaldaǵan, ıelengen, munaı qabyldaý ornyna tapsyrǵan, termınaldarda saqtaǵan, munaıdy óndeýmen aınalysqan, sonymen qatar munaı qubyrlaryn qasaqana nemese baıqaýsyz buzǵan nemese qıratqany úshin jaýapkershilik kúsheıtildi...
«Semser Security» JShS bas dırektorynyń orynbasary Amangeldi Qurmanǵalıev munaı jáne munaı ónimderiniń jeke túrleri aınalymy salasynda quqyq buzýshylyq úshin jazanyń qoldanylmaı qalmaıtyndyǵyn qamtamasyz etýge baǵyttalǵan osy túzetýler óziniń tıimdiligin kórsetetinin, óz kezeginde, onyń tıimdi júzege asyrylýyna múddeli barlyq taraptar, sonyń ishinde «Semser Security» JShS sol úshin barynsha kúshterin salatynyna senimdi ekenin aıtty.
Baspasóz maslıhatynda aıtylǵandaı, zań jobasynyń buqaralyq aqparat quraldarynda keń kólemde talqylanýy, engizilgen túzetýler týraly halyqty aqparattandyrý oń nátıjeler berýge tıisti.
