«QazMunaıGaz» ulttyq kompanııasy Petromidia platformasyndaǵy qondyrǵylardy sátti qaıta iske qosqany týraly habarlaıdy

TANA. 30 qarasha. QazAqparat - «QazMunaıGaz» UK AQ The Rompetrol Group osy aptada Petromidia platformasyndaǵy óndiristik qondyrǵylardy jóndeý jáne qaıta iske qosý boıynsha josparly jumystardy, sondaı-aq, munaı óńdeýshi qýattardy 5 mıllıon tonna shıkizat alýǵa deıin arttyrý jónindegi baǵdarlamany oryndaý maqsatynda jańa alty qondyrǵyny operatsııalyq aǵynǵa biriktirýdi sátti aıaqtaǵanyn habarlaıdy.

«Munaı óńdeýshi qýattardy arttyrý jónindegi baǵdarlama 2012 jyldyń birinshi toqsanynda aıaqtalady jáne The Rompetrol Group-tyń Ortalyq jáne Shyǵys Eýropadaǵy qatysýyn nyǵaıtýǵa múmkindik beredi. Jobanyń kúrdeliligi men aýqymyn esepke ala otyryp, onda jobanyń oıdaǵydaı iske asýyna, sondaı-aq, 4000-nan astam operatsııany qaýipsizdik jaǵdaıynda júzege asyrýǵa kóp úles qosqan 2000-nan astam adam - The Rompetrol Group jumyskerleri men áriptesteri eńbek etti», - dedi The Rompetrol Group Munaıdy óńdeý jáne munaı hımııa jónindegi dıvızııanyń vıtse-prezıdenti Aleksandrý Nıkolchoıý.

Josparlanǵan qondyrǵy aıasynda tehnıkalyq qyzmet kórsetý, belgili munaı óńdeý qyzmeti boıynsha jumystar, sondaı-aq, otyn sapasyn saqtaý jáne arttyrý úshin katalızatorlardy aýystyrý, gazdy kúkirtsizdendirý qondyrǵysyn jańǵyrtý jáne vakýýmdyq gazoıldi kúkirtsizdendirý qondyrǵysyn dızeldik janarmaıdy kúkirtsizdendirý qondyrǵysyna túrlendirý júrgizildi. Sonymen qatar jańa azot óndirý qondyrǵysy men jańa alaý júıesi aıaqtalyp, tehnologııalyq aǵynǵa biriktirildi.

Munaı óńdeý qýattaryn arttyrý baǵdarlamasy 2007 jyly iske qosylǵan bolatyn, al onyń tolyq baǵalaý quny 367 mln. AQSh dollardan asty. Jobany 2012 jyldyń birinshi toqsanynda óndiristik protsesske basqa jańa úsh qondyrǵy (jumsaq gıdrokrekıng qondyrǵysy, sýtekti óndirý qondyrǵysy men kúkirtti óndirý qondyrǵysy) engizilgen kezde aıaqtaý josparlanyp otyr.