«QazMunaıGaz» Ulttyq kompanııasy men «Shell» kontserni «Korporatıvtik PR quraldary» taqyrybynda semınar ótkizdi
ASTANA. 14 shilde. QazAqparat. «QazMunaıGaz» Ulttyq kompanııasy (budan ári - QMG UK) men «Shell Kazahstan Development B.V.» (budan ári - ShKD) Astanada «Korporatıvtik PR quraldary» taqyrybynda semınar uıymdastyrdy,
dep habarlaıdy kompanııanyń baspasóz qyzmeti.
Semınarǵa «Samuryq-Qazyna» ulttyq ál-aýqat qory» AQ, sonymen qatar QMG UK enshiles kásiporyndarynyń baspasóz qyzmeti jáne PR-departamentteriniń jetekshileri men mamandary qatysty.
Shell Upstream International-dyń qoǵammen baılanys jónindegi vıtse-prezıdenti Nık Výd (Nick Wood) semınarǵa qatysýshylardy «Shell» kontserniniń bedeldi basqarý jónindegi jumystarynyń strategııalyq joldary jáne negizgi prıntsıpterimen tanystyrdy.
Nık Výd «Shell» kontserni qoǵammen baılanys bólimshesi qyzmetiniń negizgi maqsaty qyzyǵýshylyq tanytatyn taraptardy nátıjeli túrde habarlandyryp otyrý jáne olarmen ózara tyǵyz baılanys ornatý, aıryqsha brend, sonymen birge kompanııanyń durys bedelin qalyptastyrý bolyp tabylatyndyǵyn erekshe atap ótti.
- Qoǵammen baılanys uıymy «Shell» kontserniniń korporatıvtik bedeli men brendine jaýap beredi, sondyqtan biz tehnıkalyq jaǵynan da, ıdeıalyq jaǵynan da PR-quraldarynyń eń aldyńǵy qatarly túrlerin engizýge basa nazar aýdaramyz,- dep atap kórsetti Nık Výd.
«Aspandaý» Ǵylymı bilim berý qorynyń prezıdenti Qanat Nurov «PR -korporatsııanyń marketıngtik strategııasynyń saıası quraly retinde» degen taqyrypta baıandama jasady.
Semınardy qorytyndylaı kele oǵan qatysýshylar korporatıvtik PR-dy basqarý salasyndaǵy bilimdi bir júıege keltirýge, jetekshi halyqaralyq kompanııalarda qoldanylyp júrgen qazirgi zamanǵy tehnologııalardy taldaýǵa, sonymen qatar PR-tehnologııanyń bıznesti strategııalyq jaǵynan damytýdaǵy jáne kompanııanyń kapıtaldanýyn arttyrýǵa múmkindik beretin qural retindegi osy sharanyń tájirıbelik mańyzyn atap ótti.
