«QazMunaıGaz» ulttyq kompanııasy men «Kazenergy» qaýymdastyǵy munaı-gaz pánderiniń muǵalimderi arasynda baıqaý jarııalady
ASTANA. 30 qańtar. QazAqparat - «QazMunaıGaz» ulttyq kompanııasy men «Kazenergy» qaýymdastyǵy «Tehnıkalyq jáne kásibı bilim berý mekemelerindegi munaı-gaz pánderiniń muǵalimderine arnalǵan Safı Ótebaev atyndaǵy granttar» atty 2011-2012 jyldardaǵy baıqaýynyń bastalǵandyǵyn málim etedi.
Bul týraly «QaMunaıGaz» ulttyq kompanııasynyń baspasóz qyzmeti habarlady.
Baıqaý 2012 jyldyń qańtarynan mamyr aıyna deıingi aralyqta ótkiziledi. «Tehnıkalyq jáne kásibı bilim berý mekemelerindegi munaı-gaz pánderiniń muǵalimderine arnalǵan Safı Ótebaev atyndaǵy granttar atty baıqaýy» - «QazMunaıGaz» ulttyq kompanııasy jáne «Kazenergy» qaýymdastyǵynyń bastamasymen 2009 jyldan bastap jyl saıyn ótkizilip keledi. Ol alǵash ret Qazaqstan munaıynyń 110 jyldyǵyna arnap uıymdastyrylǵan bolatyn.
Bıyl uıymdastyrýshylar baıqaýǵa qatysýshylardyń quramyn ulǵaıtty. ıAǵnı alǵash ret baıqaýǵa aqparattyq tehnologııa salasynyń mamandary men tehnıkalyq jáne kásibı bilim berý mekemeleriniń sheberleri shaqyrylady. Baıqaýǵa qatysý úshin úmitkerlerler myna silteme arqyly «Kazenergy» qaýymdastyǵynyń saıtyna tirkelýi qajet: https://kazenergy.com/ru/obrazovatelnaya-programma/-kazenergy.html .
Baıqaýǵa qatysýshylar ǵylymı jetistikter, oqý quralyn paıdalaný, ádistemelik nusqaýlar jasap shyǵarýǵa qatysý jáne oqý barysynda ınnovatsııalyq oqý tehnologııalaryn paıdalaný, oqýshylardyń ǵylymı-zertteý jáne shyǵarmashylyq jumystaryn basshylyqqa alý, qyzyqty avtorlyq ıdeıalar sııaqty talaptar boıynsha baǵalanady.
