«QazMunaıGaz» ulttyq kompanııasy Almaty jáne Shyǵys Qazaqstan oblystarynda sý tasqynynan zardap shekkenderge kómek kórsetýde
STANA. Sáýirdiń 6-sy. QazAqparat - «QazMunaıGaz» ulttyq kompanııasy jáne onyń enshiles uıymdary da Almaty oblysynyń Aqsý aýdanynda Qyzylaǵash sý qoımasy bógeti buzylýy saldarynan qaıǵyly oqıǵaǵa ushyraǵandarǵa beı-jaı qalmady.
Zardap shekkenderge kómek qoryna eńbekaqy qarajaty esebinen 80 mln. teńgeden astam qarjy aýdaryldy. Óndiristik bólimshelerde vahtalyq ádispen jumys isteıtinder de bir kúndik eńbekaqysyn aýdarý jóninde tilek bildirýde, dep habarlady QMG baspasóz qyzmeti.
- QMG kompanııalar tobynyń barlyq qyzmetkerleri de Almaty oblysynda zardap shekkenderge kómek kórsetý týraly usynysty biraýyzdan qoldady, - dep atap ótti «QazMunaıGaz» UK AQ bıznesti qoldaý jónindegi bas menedjeri Serikbek Elshibekov.
Búgingi tańda QMG-da Shyǵys Qazaqstan oblysy ákimdigine tótenshe jaǵdaılar saldaryn joıý úshn 200 mln. teńge mólsherinde qaıyrymdylyq kómegin berý jóninde sheshim qabyldandy.
2010 jyldyń ózinde QMG respýblıkalyq jáne aımaqtyq áleýmettik jobalarǵa 23 mlrd. teńgeden astam qarjy baǵyttaýǵa josparlaýda.
