«QazMunaıGaz» ulttyq gaz tasymaldaý ınfraqurylymyn keńeıtýge aýqymdy ınvestıtsııa baǵyttamaq

ASTANA. 2 qazan. QazAqparat -  «QazMunaıGaz» UK» AQ aýqymdy ınvestıtsııany ulttyq gaz tasymaldaý ınfraqurylymyn keńeıtýge baǵyttaýdy kózdep otyr. Bul jaıynda «Kazenergy» VII Eýrazııalyq forýmynda atalǵan kompanııanyń basshysy Lázzat Qıynov málim etti.

Bul turǵyda «QazMunaıGaz» kompanııasynyń basshysy 1,4 myń shaqyrymǵa sozylatyn «Beıneý-Bozoı-Shymkent» gaz qubyry qurylysynyń jobasyn eskerip ótti. Bul jobany júzege asyrý arqyly ishki naryqtaǵy qajettilikti qamtamasyz etýge, ekonomıkanyń energetıkalyq qaýipsizdigin arttyrýǵa, elimizdiń batys óńirinen tabıǵı gazdy jetkizýde jańa eksporttyq baǵdardy qurýǵa múmkindik beretinin eske saldy.