«QazMunaıGaz» UK korporatıvti saıty 500 kompanııanyń arasynda eń joǵary upaı jınady
ALMATY. 27 qarasha. QazAqparat /Erbol Turymbetov/ - Almatyda qarashanyń 25-26 kúnderi korporatıvti basqarý boıynsha «Daǵdarystan soń. Korporatıvti Qazaqstannyń búgini men bolashaǵy» atty ІІІ ortalyqazııalyq sammıt ótti.
Sammıt jarııalanǵan 5 atalym boıynsha jeńimpazdardy anyqtady. Olardyń arasynda «Úzdik korporatıvti saıt» atalymy boıynsha «QazMunaıGaz» ulttyq kompanııasy jeńimpaz boldy.
Veb-saıttar dárejelerin anyqtaýdy Ratings AAQO Qazaqstandyq táýelsiz dırektorlar qaýymdastyǵymen birlese júrgizgen. «QazMunaıGaz» UK saıty elimizdiń 500 kompanııasy arasynda eń joǵary upaı jınady.
Kompanııanyń jańartylǵan korporatıvti saıty (www.kmg.kz ) aǵymdaǵy jyldyń naýryz aıynda iske qosylǵan edi. Ony jasaý barysynda qoldaný qolaılylyǵy, aqparattylyq pen ashyqtyq jaǵdaılary qarastyryldy. Jańa nusqa kompanııa damýynyń 5 baǵyt: barlaý jáne tabys, munaıdy tasymaldaý, gazdyń tasymaldanýy men marketıngi, munaı óńdeý men munaı hımııasy, servıstik jobalardy júzege asyrý men qazaqstandyq mazmundy damytý boıynsha uzartylǵan strategııalaryn kórsetip otyrady.
Korporatıvti saıttyń jumysy halyqaralyq ustanymdar men standarttar jáne saı, reıtıngtik agenttikterdiń keńesterimen «QMG» UK qyzmetiniń ashyqtyǵy men jarııalylyǵyn arttyrýǵa baǵyttalǵan. Jekeleı alǵanda, saıtta korporatıvti etıka kodeksi, táýekeldilikti basqarý saıasaty, Dırektorlar keńesi komıtetteriniń jaǵdaıy, dıvıdendtik saıasat, korporatıvti oqıǵalar kestesi, Dırektorlar keńesi men kompanııa basqarmasynyń músheleri týraly keńeıtilgen aqparattar sekildi kompanııanyń ishki qujattary ornalastyrylǵan. Saıtty qurý barysynda zamanaýı tehnologııalar men dızaınerlik sheshimder qoldanylǵan. Atqarylǵan jumystar qorytyndysy boıynsha, saıtqa kirý 2 ese ósken. ıAǵnı, qoldanýshy saıtta orta eseppen 8 mınýt otyryp, 6,5 bet ashady eken.
«QazMunaıGaz» AQ elimizdegi munaı-gaz salasyndaǵy barlaý, tabys, komirsýtegin óńdeý jáne tasymaldaýdaǵy ulttyq operator bolyp tabylady. Onyń 100 % aktsııasy «Samuryq-Qazyna» Ulttyq ál-aýqat qoryna tıesili.
