«QazMunaıGaz» UK bıyl otandyq taýar óndirýshilermen 79,7 mlrd. teńgege kelisim jasamaq

ASTANA. 19 naýryz. QazAqparat - 2013 jyly «QazMunıGaz» UK» AQ qarasty kompanııalar toby otandyq taýar óndirýshilermen 79,7 mlrd. teńgege kelisimshart jasamaq. Bul týraly búgin qazaqstandyq qamtýdy damytý máselelerine arnalǵan Qoǵamdyq keńestiń otyrysynda «QazMunaıgaz» UK» AQ basqarma tóraǵasynyń orynbasary Maǵzum Myrzaǵalıev málim etti.

«2011 jyly «QazMunaıGaz» kompanııalar tobynyń 2011 jylǵy qazaqstandyq kásiporyndarmen uzaqmerzimdi kelisimsharty 3,3 mıllıard teńgeni quraǵan bolatyn. Byltyrǵy kórsetkish 20,7 mıllıard teńge boldy. Al aǵymdaǵy jylǵy otandyq kásiporyndarmen kelisimshart 79,7 mlrd. teńgeni quramaq», - dedi M. Myrzaǵalıev.