«QazMunaıGaz» UK AQ jáne «Keı Sı Kazak Bı. Vı» Koreıa konsortsıýmy Kaspıı teńiziniń qazaqstandyq sektoryndaǵy Jambyl ýchaskesinde birinshi barlaý uńǵymasynyń burǵylaý nátıjeleri týraly habarlady
Ústimizdegi jyldyń mamyr men tamyz aılary aralyǵynda atalmysh kompanııalar «Jambyl» (ZB-1) qurylymynda 2 200 metr tereńdikte birinshi barlaý uńǵymasynyń burǵylaý jumystaryn júrgizdi. Burǵylaý jumystaryn uıymdastyrýmen «Jambyl Petroleým» operatsııalyq kompanııasy aınalysty. Burǵylaý jumystaryn tikeleı júrgizgen - halyqaralyq standarttar boıynsha sertıfıkat alǵan «Teńiz Burǵylaý» JShS-i. Bul merdiger kásiporyn «QazMunaıGaz» ulttyq kompanııasynyń 100 paıyz enshiles kásiporyny bolyp tabylady.
Burǵylaý qorytyndysy boıynsha orta merzimdik shógindilerden munaı men gazdyń perspektıvalyq nysandary tabyldy. Atalǵan nysandardy synaý kezinde jaqsy kórsetkishter alyndy.
Nysandardy synaý aıaqtaldy.
«Jambyl» qurylymynda barlaý uńǵymasynyń burǵylaý jumystary eki kompanııa arasyndaǵy kelisim-shartqa baılanysty osy qurylymda geologııalyq-barlaý jumystaryn júrgizý úshin arnaıy jasalǵan «Kaspıan Eksplorer» jańa teńiz burǵylaý qondyrǵysymen júrgizildi. Qondyrǵyny jasaýda birinshi ret Quryq portyndaǵy (Mańǵystaý oblysy) qazaqstandyq kompanııa «Ersaı Kaspıan Kontraktors» JShS-iniń óndiristik qýattylyǵy paıdalanyldy.
Burǵylaý jumystary kezinde Qazaqstan Respýblıkasynyń qorshaǵan ortany qorǵaý jónindegi zańnamalarynyń barlyq normalary, sondaı-aq halyqaralyq ozyq tájirıbeniń normalary da qatań saqtaldy.
QMG men koreıalyq kompanııa Jambyl ýchaskesinde geologııalyq-barlaý jumystaryn jalǵastyrady. Jambyl qurylymynda 3D seısmıkalyq-barlaý zertteýleri jáne «Jetisý» (ZT-1) qurylymynda barlaý uńǵymasyn burǵylaýdy josparlap otyr.
