«QazMunaıGaz» UK» AQ-da birqatar kadrlyq taǵaıyndaýlar boldy
ASTANA. Mamyrdyń 12-si. QazAqparat - «QazMunaıGaz» UK» AQ Dırektorlar keńesiniń sheshimimen ulttyq kompanııada birqatar taǵaıyndaýlar boldy, dep habarlady kompanııanyń baspasóóz qyzmeti. Mamyrdyń 4-inde «QazMunaıGaz» UK» AQ basqarma tóraǵasynyń orynbasary - basqarýshy dırektor qyzmetine Bolat Palymbetov taǵaıyndaldy.
Buǵan deıin B.Palymbetov «Kaspıı» ÁKK» UK» AQ basqarma tóraǵasy, QR ekonomıka jáne bıýdjettik josparlaý vıtse-mınıstri, Mańǵystaý oblysynyń ákimi, «QazTransOıl» JAQ bas dırektory qyzmetterin atqardy.
Ókiletti organnyń basqarýshy dırektory qyzmetine buǵan deıin «Samuryq-Qazyna» UÁQ» AQ basqarýshy dırektory bolyp qyzmet atqarǵan Bolat Aqsholaqov taǵaıyndaldy. Budan burynǵy jyldary B.Aqsholaqov QR energetıka jáne mıneraldyq resýrstar vıtse-mınıstri, «QazmunaıGaz» UK» AQ atqarýshy dırektory qyzmetin atqardy. «Samuryq-Qazyna» UÁQ» AQ men energetıka jáne mıneraldyq resýrstar mınıstrliginde qyzmet jasaǵan kezinde ol «QazMunaıGaz» UK» AQ Dırektorlar keńesiniń múshesi boldy.
Aǵymdaǵy jylǵy mamyrdyń 11-inde servıstik jobalar boıynsha basqarýshy dırektory (basqarma múshesi) Nurlan Saýranbaevtyń «Samuryq-Qazyna» UÁQ» AQ-ǵa aýysýyna baılanysty «QazMunaıGaz» UK» AQ servıstik jobalar jónindegi basqarýshy dırektory (basqarma múshesi) laýazymyna Maǵzom Myrzaǵalıev taǵaıyndaldy. Buǵan deıin M.Myrzaǵalıev «TeńizServıs» JShS bas dırektory, sheteldik munaı-gaz kompanııasynyń fılıalynyń burǵylaý eritindileri óndirisi boıynsha basshysy qyzmetterin atqardy.
