«QazMunaıGaz» UK» AQ basqarma tóraǵasynyń birinshi orynbasary Qurmanǵazy Isqazıev qyzmetinen ketti
ASTANA. KAZINFORM — «QazMunaıGaz» UK» AQ basqarma tóraǵasynyń birinshi orynbasary Qurmanǵazy Isqazıev óz erkimen qyzmetinen ketti. Bul aqparatty kompanııanyń baspasóz qyzmeti rastady.
Qurmanǵazy Isqazıev 1965 jyly 11 mamyrda dúnıege kelgen. V.Lenın atyndaǵy Qazaq polıtehnıkalyq ınstıtýtynyń munaı fakýltetin taý-ken ınjeneri — geolog mamandyǵy boıynsha bitirgen. Geologııa-mıneralogııa ǵylymdarynyń doktory ǵylymı dárejesine ıe.
Eńbek jolyn 1985 jyly «Embimunaı» óndiristik birlestiginde operator bolyp bastaǵan.
2006-2024 jyldary «Embimunaıgaz» jáne «QazMunaıGaz „Barlaý jáne Óndirý“ AQ, „QazMunaıGaz“ UK AQ Aqtaý qalasyndaǵy ókildigin, „Kalamkas-Khazar Operating“ JShS ár túrli laýazymdardy atqara otyryp basqardy.
«QazMunaıGaz» UK AQ ár jyldary munaı jáne gaz óndirý jónindegi atqarýshy dırektor, geologııa, geofızıka jáne rezervýarlar jónindegi basqarýshy dırektor, bas geolog, operatsııalyq emes aktıvter jónindegi basqarýshy dırektor; barlaý, óndirý jáne munaı servısi, geologııa jáne barlaý jónindegi Basqarma tóraǵasynyń orynbasary qyzmetterin atqardy.
Ol Ál-Farabı atyndaǵy ǵylym jáne tehnıka salasyndaǵy memlekettik syılyqtyń laýreaty. «Qurmet» ordenimen marapattalǵan.