«QazMunaıgaz» UK AQ Astana balalaryna kóp maqsatty sport alańyn syılady
ASTANA. Shildeniń 8-i. QazAqparat /Danıel Shaıynǵazın/ - Búgin, ıaǵnı shildeniń 8-inde «QazMunaıGaz» UK AQ Astana qalasy №51 orta mektebiniń aýmaǵynda jańa balalar sport alańyn saltanatty ashty, dep habarlaıdy kompanııanyń baspasóz qyzmeti.
Joba «QazMunaıGaz» UK AQ alǵa qoıǵan 50 úlgilik kópmaqsatty sport alańyn salý baǵdarlamasyn, sondaı-aq QR Prezıdenti N. Nazarbaevtyń Qazaqstanda buqaralyq sportty damytý bastamasyn iske asyrý aıasynda jasaldy. Bul baǵdarlama sporttyń buqaralyq túrlerimen aınalysý úshin jaǵdaı jasaýǵa jáne salaýatty ómir saltyn nasıhattaýǵa, sportqa balalar men jetkinshekterdi tartýǵa baǵyttalǵan.
№51 orta mekteptiń kópmaqsatty sport alańyn ashý rásimine «QazMunaıGaz» UK AQ bıznesti qoldaý jónindegi bas menedjeri Serikbek Elshibekov, Almaty aýdany ákiminiń orynbasary Túsip Yrysbekov, Almaty aýdany bilim bóliminiń bastyǵy Aına Qaspaqova, Bilim mınıstrliginiń jáne t.b. ókilderi qatysty.
- «Búgin biz «QazMunaıgaz» UK AQ kompanııasy barshaǵa, ıaǵnı osy mekteptiń oqýshylaryna da, osy mańda turatyn balalarǵa da arnalǵan sport alańyn ashyp otyrmyz», dep atap kórsetti óz sózinde Serikbek Elshibekov. - «Biz múmkindiginshe kóp balanyń osynaý zamanaýı ári tamasha jabdyqtalǵan sport alańynda sporttyń ózi unatqan túrlerimen aınalysqanyn qalaımyz», - dedi ol.
Sport alańyn tanystyrý aıasynda jańa fýtbol alańynda Astana qalasy №8 balalar-jasóspirimder olımpıadalyq rezerv sport mektebi men №51 orta mektep oqýshylary komandalarynyń arasynda joldastyq kezdesý ótti.
Qurylystyń zamanaýı tehnologııasynyń arqasynda sport alańynda shaǵyn fýtbolmen, voleıbolmen, basketbolmen jáne tennıspen, basqa da oıyn sport túrlerimen aınalysýǵa bolady. Endi №51 mekteptiń oqýshylary Ýımbldonnyń tamasha jattyǵý alańqaılarynda qoldanylǵandaı sıntetıkalyq jabyn tóselgen alańda tennıs oınasa, mekteptiń fýtbol komandasy FIFA jáne ÝEFA-dan sertıfıkat alǵan jasandy kógalda jattyǵa alady.
Qysta alańnyń jaraqattaný boldyrmaıtyn, sýyqqa tózimdi jabyny balalar sporty úshin meılinshe yńǵaıly ári qaýipsiz, ol qaıtalap muzdata-jylyta berýge arnalǵan, bul elordanyń aýa raıy jaǵdaıynda óte qolaıly. Sportpen keshki mezgilde shuǵyldaný úshin sport alańyna qosymsha jaryq berý dińgekteri ornatylǵan. Sport alańyn salý kezinde QR barlyq ekologııalyq, sanıtarlyq-gıgıenalyq, órtke qarsy jáne basqa da normalar men erejeler qatań saqtalǵan.
«QazMunaıGaz» UK AQ qurylys baǵdarlamasyn iske asyrý aıasynda oqý jylynyń bastalýyna oraı taǵy da osyndaı on zamanaýı sport alańyn ashýdy josparlap otyr, al búkil Qazaqstan boıynsha osyndaı 50 nysan salynatyn bolady.
Kópbeıindi sport alańdaryn salý baǵdarlamasy 2010 - 2011 jyldarǵa eseptelgen.
