«QazMunaıGaz» SKDEB qurylysy erekshe qorǵalatyn tabıǵı aýmaqta júrgizilýde degen aqparattyń shyndyqqa saı kelmeıtindigin habarlaıdy

Budan buryn, 2009 jyldyń qańtar aıynda habarlanǵanyndaı, Atyraý oblysy ákimdiginiń sheshimimen barlyq qyzyǵýshylyq tanytqan baqylaý organdarynyń ókilderi jáne «TeńizServıs» JShS-niń qatysýymen jumys toby qurylǵan bolatyn. Osy jumys toby qyzmetiniń aıasynda Atyraý oblysy ákimdigi men qoǵamdyq uıymdar usynǵan SKDEB-ny ornalastyrýǵa baılanysty balama jer ýchaskelerin zertteý júrgizildi.

Júrgizilgen zertteýler barysynda jáne Atyraý oblysynyń ókiletti memlekettik organdarymen kelise otyryp, SKDEB-ny ornalastyrý úshin Damba kentiniń ońtústigine qaraı 3,6 shaqyrym jerdegi Prımor arnasy tańdap alyndy. Oral ózeni saǵasynyń eń osal aımaǵy Aqjaıyq tabıǵı rezervatyna bólingen. Al SKDEB-ny ornalastyrý úshin tańdalyp alynǵan jer Oral ózeniniń sýdy qorǵaý aımaǵynan (1000 metrden astam qashyqtyqta) onyń kúzetiletin jáne qorǵalǵan aımaǵynan (Atyraý oblysy ákimdiginiń 02.03.2011 j. № 56 qaýlysyna sáıkes qorǵalatyn aımaqtan 2000 metrden astam qashyqtyqta) jáne Aqjaıyq tabıǵı rezervatynan tys jerde ornalasqan.

SKDEB qurylysynyń jáne onyń ári qaraı jumys jasaýynyń maqsaty ónerkásiptik ıgerý jáne Qashaǵan ken ornyn, Kaspıı teńizi Qazaqstan sektorynyń soltústik bóligindegi basqa da munaı-gaz ken oryndaryn ıgerý kezinde munaıdyń tógilýine shuǵyl qarsy áreket etti, ekologııalyq jáne meteorologııalyq monıtorıngti qamtamasyz etý, janýarlar álemin ońaltý, sonymen qatar Kaspııdiń soltústigindegi, Oral ózeni saǵasyndaǵy qamysty aımaqty qorǵaý jáne Kaspıı teńiziniń ekologııalyq qaýipsizdigin qamtamasyz etý, jalpy qorshaǵan ortany qorǵaý bolyp tabylady.

Sonymen qatar SKDEB jobasynyń qyzyǵýshylyq tanytqan barlyq memlekettik organdarmen kelisilgendigin, QR Ekologııalyq kodeksi bekitken paıdalaný rejıminiń barlyq shekteýleri eskerilgen ekologııalyq jáne memlekettik sarapshylardyń oń qorytyndysyn alǵandyǵyn atap ótken jón.

Sondaı-aq SKDEB jobasy Prımor arnasy jáne Oral ózeni boıynda únemi keme júzýin, hımııalyq zattardy saqtaý, mazýttalǵan sýdy kádege jaratýǵa jáne tazalaýǵa qatysqan kemelerdiń korpýstaryn tazalaýdy kózdemeıdi, sol sebepti jobany iske asyrý Soltústik Kaspıı qoryq aımaǵynyń bıologııalyq san alýandyǵyna zııanyn tıgizbeıdi.