«QazMunaıGaz» shtat sanyn jáne qyzmetkerleriniń jalaqysyn qysqartpaıdy - S.Myńbaev
«Shtat sany men jalaqyǵa qatysty aıtar bolsam, sany qysqarmaıdy. Degenmen, ózderińizde biletindeı «Samuryq-Qazyna» tobynda transformatsııa úderisi júzege asyrylýda. Osyǵan oraı qurylymdardy ońtaılandyrý jáne transformatsııa protsesimen baılanysty sanyna qatysty belgili qysqartýlar jalǵasa beretin bolady. Jalaqy deńgeıine qatysty aıtarym, ony qysqartý kózdelmegen. Biraq ósim de bolmaıdy», - dedi mınıstr.
Degenmen, S.Myńbaev munaı baǵasynyń birshama tómen bolýy «QazMunaıGaz» kompanııasynyń aǵymdaǵy qyzmeti men bıýdjetine aıtarlyqtaı yqpal etip otyrǵanyn da jasyrmady.
«Biz bıýdjetti birneshe márte qaıta sanadyq. Sońǵy bıýdjet barreline 50 dollar deńgeıinde eseptelindi. Osyǵan baılanysty eski bıýdjette qarastyrylǵan kúrdeli salymdar aıtarlyqtaı qysqardy», - dedi ol.