«QazMunaıGaz» Saýda úıiniń avtobenzın naryǵyndaǵy úlesi 2009 jyly 10 paıyzdy qurady - Danııar Berlibaev
ALMATY. Naýryzdyń 26-sy. QazAqparat /Erlik Erjanuly/ - Byltyr Qazaqstanda 2 mıllıon 501 myń tonna avtobenzın óndirilip, 3 mıllıon 195 myń tonna benzın tutynyldy. Bul búgin Almatyda ótip jatqan І "Munaı ónimderi marketıngi" halyqaralyq konferentsııasynda aıtyldy,
dep habarlaıdy QazAqparat.
«QazMunaıGaz» Saýda úıi 2002 jyly munaı men munaı ónimderin óńdeýde Qazaqstan men shet elderde kóliktik jáne saýda operatsııalaryn uıymdastyrý úshin qurylǵan bolatyn. Onyń munaı jáne munaı ónimderin óńdeý salasyndaǵy strategııasy - ishki naryqtaǵy ustanymdy nyǵaıtý, munaı operatsııalarynda jáne tehnologııalyq damýda joǵary dárejeli yqpaldastyqty qalyptastyrý, munaı jáne munaı ónimderi operatsııalaryndaǵy kiristi artyrý jáne otyndy sýbsıdııalaý tájirıbesin toqtatý», deıdi Bas dırektor Danııar Berlibaev. Onyń aıtýynsha, byltyr benzın boıynsha ımport 871,2 myń tonnany, eksport 176,9 myń tonnany qurady. Munaı ónimderindegi «QazMunaıGaz» Saýda úıiniń úlesi: AI-98-de 0 paıyz, AI-95/96-da 5 paıyz, AI 92/93-te 6 paıyz, AI-80-de 19 paıyz, dızel otynynda 17 paıyz, mazýtta 67 paıyz, avıaotynda 0 paıyz boldy. Naryqtaǵy suranys boljam boıynsha benzınde 2010 jyly 3, 250 mıllıon, 2011 jyly 3,331 mıllıon, 2012 jyly 3, 551 mıllıon, 2014 jyly 3,693 mıllıon, 2015 jyly 3,841 mıllıon tonnany quramaq. 2010-2015 jyldary ol dızel otynynda 3,657-den 4,322 mıllıon tonnaǵa, avıaotynda 374-ten 442 myń tonnaǵa, mazýtta 1,126-dan 1,307 mıllıon tonnaǵa, bıtýmda 499-dan 680 myń tonnaǵa deıin ósedi dep boljanýda.
