«QazMunaıGaz» Saýda úıi respýblıkada jáne odan tys jerlerde jańa janarmaı quıý beketterin ashady - Danııar Berlibaev
ALMATY. Naýryzdyń 26-sy. QazAqparat /Erlik Erjanuly/ - «QazMunaıGaz» Saýda úıi 2015 jylǵa deıin respýblıkadaǵy janarmaı quıý beketterin 21-den 60-qa deıin ulǵaıtpaq.
Ony kompanınyń bas dırektory Danııar Berlibaev búgin Almatyda ótip jatqan І "Munaı ónimderi marketıngi" halyqaralyq konferentsııasynda aıtty, dep habarlaıdy QazAqparat.
«QazMunaıGaz» Saýda úıiniń strategııalyq maqsattaryndaǵy 1-shi basymdyq ishki naryqtyń suranysyn qamtamasyz etý. Ondaǵy mindetter: janar-jaǵarmaı quıý beketi jelisin damytýda - janar-jaǵarmaı quıý beketi jelisin ıelený. Jańa janar-jaǵarmaı quıý beketerin salý. Franchaızıngti damytý. Munaı ónimderin satý kólemin ulǵaıtýda - munaı ónimderi kólemin bólshektep jáne kóterme taratýdy arttyrý. Bıtým, avıakerosın jáne suıytylǵan gazdyń dıstrıbýtsııa jelisin qurýda - saqtaý bazasyn jáne saýdany damytý. Qyzmet sapasyn kóterýde - sapa standartaryn engizý», deıdi Bas dırektor Danııar Berlibaev. Onyń aıtýynsha, Saýda úıi 2015 jylǵa deıin Ispanııa, Moldova, Ýkraına, Frantsııa jáne taǵy basqa da shet elderde jańa janar-jaǵarmaı quıý beketterin ashpaq. Munaı ónimderiniń negizgi túrlerin óndirý men tutyný balansynyń 2015 jylǵa deıingi jospary boıynsha respýblıkada tutynýdan óndiristiń kólemi dızel otynynda 2010 jyly, avtobenzınde 2013 jyly, avıakerosınde 2014 jyly júzege asady dep josparlanyp otyr.
