«QazMunaıGaz» saýda úıi kóktemgi egiske qajetti dızel otynyn jetkizýdi aıaqtaǵanyn habarlady
ASTANA. Maýsymnyń 14-i. QazAqparat - «QazMunaıGaz» Saýda úıi» AQ Qazaqstannyń aýyl sharýashylyǵy taýar óndirýshilerine kóktemgi jumystarǵa dızel otynyn jetkizý josparyn júzege asyrý qorytyndylary týraly málim etti, dep habarlady kompanııanyń baspasóz qyzmeti.
Kóktemgi dalalyq jumystardy ótkizý kezeńinde munaı men munaı ónimderiniń negizgi resýrs ustaýshysy respýblıka Úkimeti dıqandardy 400 myń tonnaǵa jýyq kólemde dızel otynymen qamtamasyz etýdi tapsyrǵan bolatyn. Onyń ishinde «QazMunaıGaz» Saýda úıiniń úlesine onyń 187 myń dızel otyny tıedi, bul barlyq kólemniń 56,6 paıyzy.
«QazMunaıGaz» Saýda úıi» AQ mindettemelerin oryndaý faktisi oblys ákimderi operatorlarynyń atyna tólengen dızel otyny kóleminiń jetkizilimi búgingi kúni 97,2 paıyzdy qurady (Atyraý oblysy boınsha - 100 paıyz, Aqtóbe oblysy boıynsha 100 paıyz)», - delingen búgin taratylǵan habarlamada.
Kóktemgi egis kezinde aýyl sharýashylyǵy taýar óndirýshilerine jiberilgen dızel otynynyń túpkilikti baǵasy lıtrine 62 teńgeden asqan joq.
