«QazMunaıGaz» Saýda úıi» aktsıonerlik qoǵamy men «PetroQazaqstanOılProdakts» seriktestigine qomaqty aıyppul salyndy
ASTANA. Naýryzdyń 1-i. QazAqparat - «QazMunaıGaz» Saýda úıi» aktsıonerlik qoǵamy men «PetroQazaqstanOılProdakts» jaýapkershiligi shekteýli seriktestigi, ózderiniń basymdyq jaǵdaılaryn asyra paıdalanǵandary úshin ákimshilik jazaǵa tartylady.
Bul jaıynda Básekelestikti qorǵaý agenttigi basqarmasynyń (monopolııaǵa qarsy agenttik) 13-shi májilisinde málim etildi, dep habarlady vedomstvonyń baspasóz qyzmetinen.
«Júrgizilgen tekserýlerdiń qorytyndysy boıynsha, janar-jaǵarmaı jetispeýshiligi oryn alǵan 2009 jyldyń qazan-qarasha aılarynda «PetroQazaqstanOıl Prodakts» seriktestigi men «QazMunaıGaz» Saýda úıi» aktsıonerlik qoǵamynyń ózderindegi qordyń jetkilikti bolǵanyna qaramastan, bólshek saýda úshin munaı saqtaý qoımalarynan otyn jóneltpegeni anyqtalyp otyr», dep atap kórsetiledi tekserý qorytyndysy týraly habarlamada.
Olarǵa salynyp otyrǵan aıyppuldyń jalpy somasy 240 mıllıon teńgeni qurady, materıaldar sotqa jiberildi.
