«QazMunaıGaz» saýda úıi» AQ Qazaqstanda janarmaı quıý stansylary jelilerin 700-ge deıin jetkizbek
ASTANA. Sáýirdiń 1-i. QazAqparat /Rýslan Ǵabbasov/ - Munaı óńdeý zaýyttaryn jańartý 2014 jyly aıaqtalady. Bul týraly búgin Astanada ótken baspasóz máslıhatynda «QazMunaıGaz» saýda úıi» AQ-nyń bas dırektory Danııar Berlibaev málim etti,
dep habarlaıdy QazAqparat.
«Іshki naryqta janar-jaǵarmaı boıynsha bizdiń úles qazirgi kezde 21 paıyz shamasynda. Janarmaı quıý stansylary jelisi arqyly bizdiń úlesti arttyrý maqsaty belgilenip otyr»,-dedi ol.
Bas dırektordyń sózine qaraǵanda, baǵdarlama aıasynda janarmaı quıý stansylary jelilerin Qazaqstanda 270-ten 700-ge deıin jetkizý kózdelip otyr.
«Osy arqyly bizdiń saýda kólemi artatyn bolady»,-dedi ol.
Sondaı-aq D. Berlibaev munaı óńdeý zaýyttaryn jańǵyrtý jumystary júrgizilip jatqanyn, baǵdarlama boıynsha oǵan 4 mıllıard AQSh dollaryn baǵyttalatynyn jáne bul bastama 2014 jyly aıaqtalatynyn jetkizdi.
