«QazMunaıGaz» polıetılen óndirisine 11 mlrd teńge ınvestıtsııa tartpaqshy

ASTANA. KAZINFORM — «QazMunaıGaz» ulttyq kompanııasynyń basqarma tóraǵasy Ashat Hasenov Úkimet otyrysynda polıetılen zaýytynyń qurylysy bıyl bastalatynyn aıtty. 

— «QazMunaıGazdyń» iri jobasy — polıetılen óndiretin zaýyt. Bıyl tolyq masshtabty qurylys jumystary bastaldy. Osy jobamen birge eki ınfraqurylymdyq joba — gaz separatsııalaý kesheni men magıstraldyq qubyrlardy salý iske asyrylady, — dedi kompanııa basshysy.

Atalǵan 3 jobanyń jalpy quny shamamen 11 mlrd dollar bolady degen esep bar.

— Sonymen qatar, gaz separatsııalaý kesheni jobasyn qarjylandyrý — ashyq másele. Qazaqstan damý bankimen qolaıly sharttardy qarastyryp jatyrmyz. Bul «QazMunaıGaz» ben seriktesterdiń tikeleı ınvestıtsııalary bolmaq. Búginde barlyq ınvestıtsııalyq sheshim qabyldandy, — dedi ol.

Buǵan deıin elimizde munaı-gaz-hımııa ónerkásibi týraly zań jobasy ázirlenip jatqanyn jazǵan edik.