«QazMunaıGaz» Petromidia munaı óńdeý zaýytynda 6 jańa qondyrǵyny iske qosty
TANA. 12 qarasha. QazAqparat - «QazMunaıGaz» UK AQ Rompetrol Rafinare kompanııasy (The Rompetrol Group quramyna kiredi) Petromidia munaı óńdeý zaýytyn jańartý aıasyndaǵy 9 óndiristik jobanyń 6-ýyn aıaqtaǵany týraly habarlaıdy.
«Investıtsııalyq paket 2010-2011» jańǵyrtý josparynyń tolyq aıaqtalýy 2012 jyldyń 1 toqsanyna josparlanǵan, bul rette kapıtaldyq salymdardyń jalpy quny 367 mln. AQSh dollaryn quraıdy.
«Investıtsııalyq paket Petromidia munaı óńdeý zaýytyna Ońtústik jáne Shyǵys Eýropadaǵy aldyńǵy qatarly munaı óńdeý zaýyttarynyń qataryna enýge múmkindik beredi. Osy joba aıaqtalǵannan keıin Petromidia munaı óńdeý zaýyty tolyq kólemde Qazaqstan munaıyn óńdeı alady, sonymen qatar Eýro 5 standarttaryna sáıkes ónimniń sapasyn qamtamasyz etetin bolady», - dep atap ótti The Rompetrol Group bıznesti damytý jónindegi vıtse-prezıdenti Gavıt Kýrkımov.
Tolyq jańǵyrtýdan ótkennen keıin Petromidia munaı óńdeý zaýyty «Urals» markaly shıki munaıdy 100 paıyz óńdeı otyryp, jylyna shıkizattyń óńdelýin 3,7 mln. tonnadan 5 mln. tonnaǵa deıin ulǵaıtady. Budan basqa munaı óńdeý zavody dızel otynynyń suryptalýyn 37 paıyzdan 45 paıyzǵa deıin arttyrady jáne Eýropa Odaǵynyń barlyq normalary men zańdaryna sáıkes keletin joǵary sapaly otyn óndirýdi jalǵastyratyn bolady.
Qazirgi kezde katalıtıkalyq krekıng qondyrǵysy, Klaýs qondyrǵysy (gazdy kúkirtsizdendirý protsesi), jańa fakeldi júıe, aýany bólý qondyrǵysy paıdalanýǵa berildi jáne vakkýmdy gazoıldi gıdrotazalaý qondyrǵysyn dızeldi otyn qondyrǵysyna yńǵaılap qaıta jasaý júzege asyryldy.
«QazMunaıGaz» Ulttyq kompanııasynyń damý strategııasyn júzege asyrý maqsatynda Petromidia munaı óńdeý zaýytyn jańǵyrtý protsesi jáne Rompetrol-dyń Ortalyq jáne Shyǵys Eýropa, Rýmynııa, Bolgarııa, Moldova, Ýkraına jáne Grýzııada, sondaı-aq Túrkııada, Serbııada jáne Grekııadaǵy janarmaı quıý stansalarynyń sanyn kóbeıtý ári nyǵaıtý júrgizilýde», - deıdi G.Kýrkımov.
