«QazMunaıGaz» «Pavlodar munaı-hımııa zaýytyn jańǵyrtý» jónindegi TEN-ge oń qorytyndy alǵanyn habarlaıdy
ASTANA. 4 qarasha. QazAqparat - «QazMunaıGaz» ulttyq kompanııasy «Pavlodar munaı-hımııa zaýytyn jańǵyrtý» jónindegi tehnıkalyq-ekonomıkalyq negizdemege oń qorytyndy alǵany týraly habarlaıdy.
Tehnıkalyq-ekonomıkalyq negizdeme QMG jáne ENI kompanııalary arasynda 2009 jyldyń 5 qarashasynda qol qoıylǵan «Qazaqstan Respýblıkasyndaǵy ónerkásiptik ınfraqurylym nysandaryna ınvestıtsııalardy júzege asyrý jónindegi yntymaqtastyq pen ózara túsinistik týraly kelisim» aıasynda jasalǵan. Jobany bas dırektor N.Balǵymbaevtyń basshylyǵymen «QMG-niń salynatyn kásiporyndar dırektsııasy» basqarady.
Jańǵyrtý jobasynda shıki munaı boıynsha óńdeý tereńdigin 90 paıyz qamtamasyz ete otyryp, zaýyt qýatyn jylyna 7,5 mln. tonna munaıǵa deıin jetkizý, sonymen qatar munaı ónimderin shyǵarýdy arttyra otyryp, onyń sapasynyń «Eýro-5» standartyna saı bolýyn qamtamasyz etý kózdelgen.
Sonymen birge 5 jańa qondyrǵy salý josparlanyp otyr. Búginde jumys istep turǵan 2 qondyrǵy qaıta beıindelip, 8 qondyrǵy qaıtadan jańartylatyn bolady. Sondaı-aq jalpy zaýyt sharýashylyǵyna qajetti nysandar salý josparlanǵan.
