«QazMunaıGaz» Pavlodar munaı-hımııa zaýyty aktsııasynyń jartysyna jýyǵyn Reseı kompanııasyna satpaq
ASTANA. Maýsymnyń 16-sy. QazAqparat /Ernur Aqanbaı/ - «QazMunaıGaz» kompanııasy Reseıdiń iri bir kompanııasyna «Pavlodar munaı-hımııa zaýyty» AQ aktsııasynyń jartysyna jýyǵyn satý jóninde kelissózder júrgizýde. Bul týraly búgin Astanadaǵy baspasóz máslıhatynda «QazMunaıGaz» kompanııasynyń Munaı óńdeý jáne marketıng jónindegi basqarýshy dırektory Danııar Tıesov málim etti.
Onyń sózine qaraǵanda, «QazMunaıGaz» kompanııasy Pavlodar munaı- hımııa zaýytyn reseılik munaımen uzaq ýaqyt boıy turaqty qamtamasyz etý máselesin sheshý úshin Reseıdiń iri munaı kompanııasyn atalmysh zaýyttyń aktsıoneri retinde kórgisi keledi.
Alaıda, D. TıesovPavlodar munaı-hımııa zaýyty aktsııasynyń jartysyna jýyǵyn satyp alatyn reseılik kompanııanyń atyn atap, túsin tústeýden bas tartty. Onyń sózinshe, ol qazirgi ýaqytta Reseı naryǵynda jumys istep jatqan iri kompanııalardyń biri. «Kelissózder júrip jatqan kezde atalmysh kompanııanyń atyn jarııalaǵan ádepsizdik bolar. Biz mámileni qalaı aıaqtaımyz, solaı onyń búkil sıpatyn jarııalaıtyn bolamyz», dedi ol.
