«QazMunaıGaz» ótken jyly 360 mlrd teńge taza tabys tapty

ATYRAÝ. QazAqparat - 2016 jyly «QazMunaıGaz» UK» AQ (QMG) kompanııalarynyń taza tabysy 360 mlrd.  171 mln. teńgeni (1 mlrd. 63 mln. dollar) qurady, dep habarlaıdy QazAqparat QMG-niń baspasóz qyzmetine silteme jasap.

«2016 jyly negizgi qyzmetten túsken kiris 3 trln. 553 mlrd. teńgeni (10,54 mlrd. AQSh dollary) qurady. Taza tabys - 360 mlrd. 171 mln. teńge (1 mlrd. 063 mln. AQSh dollary). QR bıýdjetine salyqtar men ózge de mindetti tólemder, sonyń ishinde negizgi enshiles uıymdar boıynsha, 456 mlrd. 987 mln.teńgeni (1 mlrd. 337 mln. AQSh dollary) qurady. Bul 2015 jyldyń sáıkes kezeńimen salystyrǵanda 14 paıyzǵa az. Tómendeý úrdisiniń negizgi sebebi 2015 jyly teńgeniń devalvatsııasynan keıin valıýta baǵamynyń aıyrmasynan alynǵan oń kiristiń bolýy. Onymen qosa, bıýdjetke tólemderdiń tómendeýi munaıdyń ortasha baǵasynyń 17 paıyzǵa arzandaýy áser etti», - dep atap ótti QMG-niń baspasóz qyzmetinen.