QazMunaıGaz ótken 8 aıda 12,6 mıllıon tonna munaı men gaz kondensatyn óndirdi - Q. Qabyldın
Y. Qazannyń 7-si. QazAqparat /Erbol Azanbek/ - «QazMunaıGaz» UK AQ bıylǵy jyldyń alǵashqy 8 aıynda 12,6 mıllıon tonna munaı men gaz kondensatyn óndirdi.
Bul ótken jyldyń alǵashqy 8 aıynyń kórsetkishinen 5,8 paıyzǵa artyq. Bul týraly búgin Almatyda ashylǵan KIOGE 2010 halyqaralyq munaı-gaz forýmynda «QazMunaıGaz» AQ UK basqarma tóraǵasy Qaıyrgeldi Qabyldın aıtty.
Onyń aıtýynsha, qańtar-tamyz aılarynyń aralyǵynda magıstraldyq qubyr jelileri júıesi boıynsha 43,86 mıllıon tonna munaı tasymaldanǵan. Bul 2009 jyldaǵy uqsas merzimmen salystyrǵanda 5, 1 paıyzǵa artyq. Ótken 8 aıdyń ishinde munaıdy teńiz arqyly tasymaldaýdyń shoǵyrlanǵan kólemi 4,4 mıllıon tonna bolǵan. Gaz tasymaldaý kólemi 66,7 mıllıard teksheni quraǵan. Sondaı-aq munaıdy qaıta óńdeý kólemi 10,1 mıllıon tonnaǵa jetken. Bul ótken jyldyń 8 aıymen salystyrǵanda 2 esege artyq. Bul oraıda elimizdegi 3 munaı óńdeý zaýytynda 7,6 mıllıon tonna munaı óńdelgen.
