«QazMunaıGaz Ónimderi sapa boıynsha «International Arch of Europe» Altyn sanatyndaǵy halyqaralyq nagradaǵa ıe boldy
Qazir IAE normasy jáne Sapa modeli (QC100 Total Quality Management Model) boıynsha 178 eldegi ár salada jumys isteıtin kompanııalar qyzmetteri baǵalanady. Germanııada ótken tikeleı tapsyrý rásimine 52 eldiń kompanııalary shaqyryldy. Júldelerdi bólý kezinde klıentterdiń qanaǵattandyrylýy, kommýnıkatsııa strategııasy, benchmarkıng, aqparat jáne taldaý, kóshbastaýshylyq, josparlaý, kadrlyq resýrstar, qyzmetkerlerdiń turaqty biliktiligin arttyrý, óndiris jáne ónimdilik, ekonomıkalyq nátıjeler, jalpy qorytyndylar, ISO 9000, TQM esepke alyndy.
"QazMunaıGaz Ónimderi" AQ Qazaqstandaǵy benzın ónimderin taratýshy birden bir kompanııa bolyp tabylady Kompanııada 305 maı quıý stansasynan turatyn júıe, sondaı-aq 6 gaz toltyratyn stansa, 1 gaz toltyratyn kompressor stansasy, 6 munaı bazasy bar. B.I.D. mamandary qazaqstandyq kompanııanyń sapa men jetilýge umtylýshylyǵyn joǵary baǵalady. «QazMunaıGaz Ónimderi» - jumys úderisin turaqty jetildirýge jáne iskerlik áleminde kóshbasshylyq rólge umtylýshy kásibı mamandar komandasy», - dep atalyp ótildi júldeni tapsyrý rásiminde.
