«QazMunaıGaz Ónimderi» bas dırektoryna 128 mln teńge aıyppul salyndy
Vedomstvo málimetinshe, Astana qalasy Esil aýdandyq №2 sotynyń úkimimen Qýandyq Qulmýrzın QR Qylmystyq kodeksiniń 366-baby 2-tarmaǵynda kózdelgen qylmystyq quqyq buzýshylyqty jasady dep tanylǵan. Soǵan oraı, oǵan jaza retinde 128 980 760 teńge aıyppul salyndy. Sonymen qatar, ol ómir boıy memlekettik qyzmette, sotta, jergilikti ózin-ózi basqarý organdarynda, QR Ulttyq bankinde jáne onyń vedomstvolarynda, memlekettik uıymdarda jáne jarǵylyq kapıtalynda 50 paıyzdan astam memleket úlesi bar uıymdarda, onyń ishinde basqarýshy holdıngterde, ulttyq holdıngterde, ulttyq kompanııalarda, aktsıoneri memleket bolyp eseptelinetin ulttyq damý ıtstıtýttarynda, olardyń enshiles uıymdarynda qyzmet atqara almaıdy.
«Sottalýshy úkim zańdy kúshine engen kúnnen bastap bir aıdyń ishinde aıyppuldy tóleýge mindetti. Úkim zńdy kúshine engen joq», - dep atap ótedi Astana qalalyq soty.