«QazMunaıGaz Ónimderi» AQ bas dırektory taǵaıyndaldy
ASTANA. 29 shilde. QazAqparat - «QazMunaıGaz Ónimderi» AQ Dırektorlar keńesiniń sheshimimen «QazMunaıGaz - qaıta óńdeý jáne marketıng» AQ basqarmasynyń maquldaýymen «QazMunaıGaz Ónimderi» AQ birinshi basshysy bolyp jańa bas dırektor Gennadıı Morozov taǵaıyndaldy.
«QazMunaıGaz Ónimderi» AQ bas dırektory bolyp taǵaıyndalǵanǵa deıin, G.Morozov «QazMunaıGaz Ónimderi» bas dırektorynyń óndiris jónindegi orynbasarynyń mindetterin oryndady. Munaı-gaz salasynda G. Morozov 2008 jyldan bastap qyzmet etedi, 2009 jyldyń sáýir aıynan bastap «QazMunaıGaz Ónimderi» AQ jáne «QazMunaıGaz» saýda úıi» AQ departament dırektory, atqarýshy dırektory, keńesshi, basqarýshy dırektory qyzmetterin atqardy.
Jańa basshyny taǵaıyndaý «QazMunaıGaz Ónimderi» AQ men «QazMunaıGaz - qaıta óńdeý jáne marketıng» AQ arasynda qaıtalanatyn basqarý qyzmetterin joıý, sheshimder qabyldaýda jedeldikti arttyrý, sondaı-aq kompanııanyń kezekti damý kezeńine shyǵýy maqsatynda, qyzmetterdi qaıta bólýmen jáne qaıta qurylymdaýmen sáıkes keldi. «QazMunaıGaz Ónimderi» AQ eki jyl jumysy ishinde «QazMunaıGaz» saýda markaly janar-jaǵarmaı quıý stansylarynyń jelisi 178 birlikten 283 birlikke deıin keńeıtildi; 2010 jylǵa qorytyndy tabysy josparlanǵan 2,5 mlrd. teńgeniń ornyna 3,9 mlrd. teńgeni qurady; satýdan tabystyń turaqty damý serpini baıqalady; otynnyń sapasyn baqylaý júıesi jetildirildi; JMQS janynan 220 dúken, 14 avtojýý, 7 TQS jáne 2 kempıng qyzmet etedi.
2012 jyldan 2015 jylǵa deıingi kezeńde bólshek satýdan kiristiń barynsha artýy boljanyp otyr, bul paıdalanylatyn obektiler sanynyń artýymen, sondaı-aq 1 JMQS-da ortasha aılyq satýdyń ulǵaıtylýymen baılanysty.
Jańadan taǵaıyndalǵan bas dırektor kompanııanyń damý baǵytynyń basymdylyǵyna jáne qoıylǵan mindetterdi oryndaýǵa basa nazar aýdarady, óıtkeni ol birneshe jyl kompanııa qyzmetkerlerimen jumys istegen jáne kadrlyq áleýetti jaqsy biledi.
