«QazMunaıGaz - óńdeý jáne marketıng» AQ qazaqstandyq MÓZ-de munaı óńdeýdiń sońǵy jyldardaǵy joǵary kórsetkishteri týraly habarlaıdy

2010 jyly Qazaqstan Respýblıkasynyń úsh munaı óńdeý zaýytynda 13,7 mln. tonna shıki munaı óńdelgen, bul josparly kórsetkishten 570 myń tonnaǵa nemese 4,35%-ǵa artyq.

Bul rette, munaıdy naqty óńdeýdiń 2009 jylǵy kórsetkishi 1,6 mln. tonna bolyp, sońǵy birneshe jyldaǵy ózindik rekordty kórsetip otyr. Aıtalyq «AMÓZ» JShS úshin - eń joǵary kórsetkish (4,3 mln.tonna) 1996 jyldan bastap (4,45 mln. tonna), «PKOP» JShS úshin (4,6 mln.tonna) - 1993 jyldan bastap (4,96 mln.tonna), al «PMHZ» AQ úshin (4,8 mln. tonna) - 1993 jyldan bastap (5,17 mln. tonna) .

QR MÓZ-derinde óndirilgen ónimniń kólemi 2010 jyly 12,7 mln.tonnany qurady, bul jospardan 567 mln.tonnaǵa nemese 4,68%-ǵa artyq. 2009 jylmen salystyrǵanda óndirilgen ónim kólemi 1,5 mln. tonnaǵa nemese 12%-ǵa artqan. Ónimniń barlyq derlik túrleri boıynsha asyra oryndaý baıqalady, sonyń ishinde derlik AI-92, AI-96 markaly benzın, dızeldi otyn, koks jáne suıytylǵan gaz bar. Daıyndalǵan ónim «Qazaqstan Respýblıkasynyń aýmaǵynda aınalymǵa jiberiletin avtokólik quraldarynyń zııandy (lastaýshy) zattardy shyǵarýyna qoıylatyn talaptar týraly tehnologııalyq reglamenttiń» 2-dárejesiniń talaptaryna tolyǵymen sáıkes keledi.

- «Joǵary jetistikterge, eń aldymen, zaýyttar basshylyǵynyń kásibı sheberliginiń, zaýyt jumysshylarynyń úılesimdi jumysynyń jáne eskirgen tehnologııalyq qondyrǵylardy ýaqtyly aýystyrýdyń, sondaı-aq jalpy tehnologııalyq protsesti jańǵyrtýdyń arqasynda qol jetkizemiz, - dep atap ótti «QazMunaıGaz» AQ Bas dırektory Danııar Berlibaev.

MÓZ jumysshylary odan ári tehnologııalyq qaıta jańartý qajettiligine oraı týyndaǵan protsessıng stavkasyn kóbeıtý jóninde úlken jumys atqardy. Aıtalyq, «AMÓZ» JShS-da 1 tonna munaıdyóńdeý tarıfi 2010 jyly 3 360,47 teńgeden 7 462,0 teńgege deıin ósken jáne «PMÓZ» AQ-da osy kórsetkish tıisinshe 3 947,0 teńgeden 4 992,74 teńgege artqan.

Energııany únemdeý jónindegi is-sharalardy iske asyrý sheńberinde tehnologııalyq joǵaltý úsh MÓZ-de 0,92%.-ǵa tómendegen. «AMÓZ» JShS-da tehnologııalyq joǵaltý eń kóp qysqarǵan, ol 2,34%-dy qurap otyr.

MÓZ jumysynyń tıimdiligin arttyrý jáne respýblıkanyń ishki naryǵyn qajetti mólsherde joǵary sapaly munaı ónimderimen qamtamasyz etý maqsatynda mynadaı is-sharalar oıdaǵydaı iske asyryldy:

Atyraý munaı óńdeý zaýytynda:

- shatyr tıptes moraldyq ári fızıkalyq turǵydan tozyǵy jetken peshtiń ornyna ELOÝ-AVT-3 P-1/1,1/2 jańa peshi paıdalanýǵa berildi, bul qondyrǵynyń qýattylyǵyn táýligine 7000-7800 tonnadan 8500-9000 tonnaǵa deıin nemese jylyna 3,5 mln. tonnaǵa deıin kóbeıtýge múmkindik berdi;

- taýarly benzınniń ındýktsııalyq kezeńin normalanǵan kórsetkishterge sáıkestendirý maqsatynda «Agıdol-12» qyshqylǵa qarsy japsyrmasyn tartý retseptýrasy ázirlendi. «Agıdol» japsyrmasyn berýdiń toraby men syzbasy jasaldy, bul munaı sapasyn jaqsartýǵa jáne «ındýktsııalyq kezeńdi» 180 mınýtten 600 mınýtke deıin arttyrýǵa múmkindik berdi;

- «DZp -15» qysqy dızeldi otynnyń sapalyq kórsetkishterin jaqsartý maqsatynda qoldanystaǵy fraktsııalardy ońtaıly tartý negizinde týra aıdaǵysh jáne gıdrotazalaǵysh/parafınnen aıyrý KGF daıyndaý retseptýrasy ázirlendi. Dızeldi otynnyń tómen temperatýralyq qasıetin jaqsartý úshin «Dodıfloý» japsyrmasyn berý jáne komponentterdi aralastyrý toraby jóndeldi, bul DZp markaly taýarly dızeldi otyndy daıyndaý kezinde PTF-ty mınýs 9°S-dan mınýs 15°S-ke deıin tómendetýge múmkindik berdi;

- mynadaı katalızatorlardy aýystyrý júrgizildi: gıdrotazalaǵysh/desýlfýrızator 78-R-002, joǵary temperatýraly konvertor 78-R-003 jáne rıformıng peshi 78-F-001 ÝPV;

- vakýýmdyq bloktyń qýattylyǵyn jylyna 1800 myń tonnaǵa deıin jetkizý maqsatynda ELOÝ-AVT-3 qondyrǵysynyń vakýýmdyq blogyna qaıta jańartý júrgizildi. Atalǵan jumystardy oryndaý mazýttyń shyǵýyn azaıtýǵa jáne nysanaly ónimderdi shyǵarýdy kóbeıtýge múmkindik beredi;

- baıaý koksteý qondyrǵysyn qaıta jańartý jobasyn (1 kezeń) iske asyrý nátıjesinde óndiristik qýattylyq táýligine 2600 tonnaǵa deıin, ıaǵnı 18%-ǵa deıin artty, K-1,2,3,4 kolonnalarynyń ishki qondyrǵylary aýystyryldy;

- vakýýmdyq gazoıl men peshtik otynnyń rezervýarlyq peshteri paıdalanýǵa berildi;

- LG-35-11/300-95 katalızatorlyq rıformıng ornatý úshin naften konversııasy torabynyń R-5 forkotaktoryn jóndeý júrgizildi, bul qondyrǵynyń óndirgish kúshin 11,6%-ǵa, turaqty katalızattyń shyǵýyn 10%-ǵa, turaqty bastaýdyń shyǵýyn 9,5%-ǵa artyrýǵa múmkindik berdi. N2 óndirýdiń artýyna baılanysty GODT KÝ GBD júkteý 150-160 m3/saǵ deıin nemese joba qýattylyǵynan 85-90%-ǵa artty.

Shymkent munaı óńdeý zaýytynda:

- rıformıng ornatý úshin katalızatordy jáne jylý almastyrý jabdyǵyn aýystyrý, bul joǵary oktandy benzındi óndirýdi kóbeıtýge múmkindik beredi. Osylaısha, 2010 jyly «PKOP» JShS-da AI-96,98 markaly benzındi óndirý josparly kórsetkishten 60 378 tonnaǵa artty.

- óndiristi damytý jáne shyǵarylatyn ónimniń spektrin keńeıtý maqsatynda gıdrokrekıng nusqasy boıynsha «ShMÓZ jańǵyrtý jáne jańartý jobasynyń» TEN-in ázirleý bastaldy.

Pavlodar munaı-hımııa zaýytynda:

- benzın pýlynyń jalpy kóleminen AI-92 benzınin óndirýdi arttyrý úshin óndiristik tsıklge «Kaskad» oktan arttyrýshy japsyrma engizildi. Osylaısha, eseptik jyly atalǵan benzın markasyn óndirý jospary kórsetkishten 83 019 tonnaǵa artty.

- árqaısysy 5000 myńnan №29,5,3 úsh munaı rezervýary paıdalanýǵa berildi.

- alǵashqy ret 10 jyl ishinde «PMHZ» AQ munaı bıtýmdaryn óndirýde júz myńynshy aralyqty attap ótti, osylaısha 2010 jyly 110 834 tonna bıtým óndirdi, onyń ishinde - 97 241 tonnasy jolǵa arnalǵan.

Sondaı-aq munaı óńdeıtin kásiporyndardyń tabysty jumys kórsetkishteri retinde óndiristegi ıntsıdentter sanyn azaıtý ekendigin atap ótý qajet.

2011 jyly «QazMunaıGaz - óńdeý jáne marketıng» AQ men munaı óńdeýshi zaýyttar munaı óńdeý kólemin arttyrý men shyǵarylatyn ónim sapasyn jaqsartý jónindegi is-sharalardy atqarýǵa nıetti.

Munaı óńdeýshi kásiporyndardyń tabysty jumysynyń kórsetkishi retinde óndiristegi ıntsıdentter sanynyń tómendeýin atap ótýge bolady. Aıtalyq, 2010 «PKOP» JShS-da kúrdeli jóndeýge josparly toqtaý ǵana oryn aldy.