«QazMunaıGaz - óńdeý jáne marketıng» AQ Basqarma quramy ózgerdi
«QazMunaıGaz - ÓM» AQ Dırektorlar Keńesiniń 2014 jylǵy 23 mamyrdaǵy sheshimimen jańa jumysqa aýysýyna baılanysty apparat jetekshisi Azamat Aqyshevtyń ókilettigi merziminen buryn toqtatyldy. Basqarma múshesi bolyp marketıng jónindegi Bas dırektordyń orynbasary Erlan Qoıbaǵarov saılandy. Qoıbaǵarov Erlan Alyhanuly D.A. Qonaev atyndaǵy gýmanıtarlyq ınstıtýttyń Qaraǵandy fılıalyn «Quqyqtaný» mamandyǵy boıynsha, «Femıda» zań ınstıtýtyn «Quqyqtaný» mamandyǵy boıynsha, Atyraý munaı jáne gaz ınstıtýtyn «Ekonomıst» mamandyǵy boıynsha, Gýbkın atyndaǵy Reseı Memlekettik Munaı jáne gaz ýnıversıtetin «Munaı-gaz bıznesin basqarý» mamandyǵy boıynsha bitirdi («MVA Sonstructor»). Eńbek jolyn 2002 jyly «Femıda» zań ınstıtýtynyń memlekettik-quqyqtyq pánder kafedrasynyń oqytýshysy laýazymynda bastady. Ár jyldary «Qazaqtelekom» AQ Qaraǵandy oblystyq telekommýnıkatsııalar dırektsııasynda, «Qazaqstan Temir Joly» ulttyq kompanııasy» AQ, «Alma-TV» AQ, «KazTransCom» AQ jumys istedi. Sondaı-aq, 2008-2012 jyldary «QazMunaıGaz» saýda úıi» AQ munaı ónimderin jetkizý departamenti dırektorynyń orynbasary, munaı ónimderin jetkizý departamentiniń dırektory, «QazMunaıGaz Ónimderi» AQ Basqarýshy dırektory, «QazMunaıGaz - óńdeý jáne marketıng» AQ Іshki naryq jónindegi basqarýshy dırektory, munaı ónimderiniń marketıngi departamentiniń dırektory bolyp jumys istedi. 2012-2013 jyldary - «QazMunaıGaz Ónimderi» AQ Bas dırektordyń marketıng jónindegi orynbasary. 2013-2014 jyldary - «QazMunaıGaz - óńdeý jáne marketıng» AQ Kommertsııalyq dırektory, 2014 jylǵy mamyr aıynan bastap qazirgi ýaqytqa deıin - «QazMunaıGaz - óńdeý jáne marketıng» AQ Bas dırektordyń marketıng jónindegi orynbasary qyzmetin atqarǵan.
