«QazMunaıGaz» munaı men kondensat óndirisin 19,8 paıyzǵa arttyrdy -І toqsannyń qorytyndysy
ASTANA. Sáýirdiń 21-i. QazAqparat - «QazMunaıGaz» Ulttyq kompanııasy 2010 jyldyń І toqsanynda munaı men kondensattyń óndirisin 19,8 paıyzǵa arttyrdy,
dep habarlady kompanııanyń baspasóz qyzmetinen.
«Jedel derekterge súıensek, 2010 jyldyń qańtar-naýryz aılarynda «QazMunaıGazdyń» kompanııalar toby boıynsha munaı men gaz kondensatyn óndirýdiń shoǵyrlandyrylǵan kólemi 5,3 mıllıon tonnany qurady, bul aldyńǵy jyl kórsetkishten 19,8 paıyzǵa artyq». Bul týraly kompanııanyń І toqsandaǵy jumys qorytyndysyna arnalǵan keńeste aıtyldy.
Kompanııanyń baspasóz qyzmetiniń aqparaty boıynsha, «munaıdy magıstraldyq qubyr jelileri arqyly tasymaldaý kórsetkishi 16,4 mıllıon tonnaǵa jetti, bul 2009 jyldyń deńgeımen salystyrǵanda 7,2 paıyzǵa artyq. Al munaıdy teńiz flotymen tasymaldaý kólemi 10,5 paıyzǵa artyp, 1,8 mıllıon tonnany qurady. Munaıdyń magıstraldi qubyrlarmen júk aınalymy 9,4 mıllıon tonna-shaqyrymdy qurady, bul 2009 jyldyń kórsetkishinen 4,8 paıyzǵa artyq».
Esepti kezeńde sondaı-aq 25 mıllıard tekshemetrden astam gaz tasymaldandy, bul 2009 jylmen salystyrǵanda 4 paıyzǵa tómen.
«QazMunaıGaz» Ulttyq kompanııasy munaı óńdeý kórsetkishi boıynsha ilgerindi qarqynǵa qol jetkizip otyr. 2010 jyldyń qańtar-naýryz aılarynda 3,8 mıllıon tonna munaı óńdelgen, bul 2009 jyldyń deńgeıinen 65,5 paıyzǵa artyq.
Jedel derekter boıynsha, QazMunaıgazdyń 2010 jylǵy birinshi toqsanyndaǵy shoǵyrlanǵan kirisi 502 mıllıard teńgeden asty, bul jospardan 7,5 paıyzǵa artyq. Shoǵyrlandyrylǵan tabysy 66,7 mılllıard teńgege jetip, josparlanǵan kórsetkishten 2 ese asty.
Jalpy QMG kompanııalar toby 2010 jyldyń qantar-naýryz aılarynda elimizdiń bıýdjetine 101,6 mıllıard teńge salyq jáne basqa mindetti tólemder tólendi, bul aldyńǵy jylǵa qaraǵanda 2 eseden astam.
