QazMunaıGaz munaı baǵasynyń ósýin boljaýda

ASTANA. QazAqparat - «QazMunaıGaz» UQ» AQ kompanııasynyń Basqarma tóraǵasy Saýat Myńbaev óndirý jumystary qymbattap jatqandyqtan munaı baǵasynyń joǵarylaýy yqtımal ekendigin málim etti.

«Arzan munaı dáýiri ótip ketkendigi túsinikti, shyǵyn deńgeıi bir kúni baǵanyń ósýine de yqpal etetini sózsiz. Munaı baǵasy suranys pen usynystyń tepe-teńdikke kelý barysynda áli joǵarylaıtyny anyq. Biraq ol qashan keletini basqa másele, bizdińshe, tómen baǵalar jaǵdaıynan tez shyǵa qoıýymyz jaqyn arada bolmaıdy. Osy boljamdardy negizge ala otyryp, biz ózimizdiń ortamerzimdi josparlarymyzdy, ınvestıtsııalyq baǵdarlamamyzdy jasaýdamyz», - dedi ol búgin KAZENERGY Eýrazııalyq forýmynda.

Onyń habarlaýynsha, «QazMunaıGaz» bıyl ınvestıtsııalar kólemin 130 mlrd. teńgege qysqartty.

«Biz úshin bul - óte úlken soma. Ázirge biz óndirý kólemin azaıtqan joqpyz. Biz oǵan qalaı qol jetkize aldyq, aldymen shyǵyndarymyzdy tıimdi basqarýdy ońtaılandyrǵanymyz túsinikti, soǵan qaramastan, tıimdiligimizdi, uzaqmerzimdi josparlarymyzdy da saqtap qaldyq. Bul bizdiń qolymyzdan keldi», - dep atap ótti S.Myńbaev.