QazMunaıGaz munaı alý koeffıtsıentin arttyratyn Jasandy ıntellekt platformasyn engizdi
ASTANA. KAZINFORM — QazMunaıGaz munaı alý koeffıtsıentin arttyratyn Jasandy ıntellekt platformasyn engizdi. Bul týraly Úkimet otyrysynda Energetıka mınıstri Erlan Aqkenjenov aıtty.
Onyń aıtýynsha, munaı ónimderiniń aınalymyn taldaý úshin jasandy ıntellekti qoldanylyp jatyr. Júıe naryq qatysýshylarynyń derekterin biriktirip, jasandy ıntellekt arqyly munaı ónimderiniń qozǵalysyn taldaıdy, qorlardy boljaıdy jáne tapshylyq táýekelderin anyqtaıdy.
— Bul jetkizilimderdi josparlaýǵa, logıstıkany úılestirýge jáne sheshimderdi jedel qabyldaýǵa múmkindik beredi. Kútiletin nátıje — josparlaý dáldigin 85 paıyzǵa deıin arttyrý jáne jylyna 22,5 mlrd teńgege deıin ekonomıkalyq áserge qol jetkizý. Aıta ketý kerek, bul jasandy ıntellekt modeli de Qazaqstan ónim sanalady. Ol QazMunaıGaz ben Qazaqstan-Brıtan tehnıkalyq ýnıversıtetiniń yntymaqtastyǵy aıasynda jasalǵan, — dedi ol.
Mınıstr ken ornyn tıimdi basqarý úshin jasandy ıntellekti qoldanylyp jatqanyn aıtty.
— Bul — geologııalyq jáne gıdrodınamıkalyq modelderdi taldap, derekterdi naqty ýaqytta tekseretin jáne ıgerýdi ońtaılandyryp, munaı alý koeffıtsıentin arttyratyn Jasandy ıntellekt platformasy. Júıeni óndiristik engizý QazMunaıGaz aktıvteriniń portfeline kiretin 12 ken ornyn qamtıdy. Kútiletin ekonomıkalyq tıimdilik 2030 jylǵa qaraı 2,9 mln tonna qosymsha óndirý esebinen 326,3 mlrd teńgege deıin quraıdy. Bul júıe — QazMunaıGaz ázirlegen ónim, ony basqa ken oryndarynda da masshtabtaýǵa bolady, — dedi Erlan Aqkenjenov.
Aıta keteıik, Úkimet otyrysynda ekonomıka salalaryna jasandy ıntellekt elementterin engizý jaıy talqylanyp jatyr.
