«QazMunaıGaz» qyzmetkerlerine bıyl syıaqy berilmeıdi

ASTANA. QazAqparat - «QazMunaıGaz» UK» AQ elimizdegi janarmaı baǵasyn turaqtandyrý baǵyttarynda jumystar jasap jatyr, dep habarlaıdy QazAqparat kompanııanyń baspasóz qyzmetine silteme jasap.

«Búgingi kúni Qazaqstannyń soltústiginde, shyǵysynda jáne ortalyǵynda AI-92 benzıniniń qory negizinen Reseı Federatsııasynan jetkizilim esebinen qalyptasqan, onyń ózindiń quny lıtrine 161 teńgeden birshama joǵary.

Respýblıkada baǵalardyń shamadan tys qymbattaýyna jol bermeý jáne týyndaǵan shyǵyndardy tómendetý úshin barlyq QMG JMQS-larynda AI-92 benzınine bir lıtrine 161 teńge deńgeıinde biryńǵaı bólshek saýda baǵasyn belgileý týraly sheshim qabyldandy.

Sondaı-aq «QazMunaıGaz» UK AQ «Óńdeý jáne marketıng» baǵytynyń, «QazMunaıGaz - qaıta óńdeý jáne marketıng» AQ, «QazMunaıGaz Ónimderi» JShS ortalyq apparatynyń qyzmetkerlerine 2017 jylǵa syıaqy jáne bonýstyq tólemder tólenbeıdi», - delingen baspasóz paraǵynda.