«QazMunaıGaz» quny 1,2 mlrd dollar bolatyn azot qyshqylyn óndirý jobasyn qolǵa aldy

ASTANA. KAZINFORM — «QazMunaıGaz» ulttyq kompanııasy polıetılentereftalat óndirisin jolǵa qoıý úshin seriktes izdep otyr. Kompanııanyń basqarma tóraǵasy Ashat Hasenov Úkimet otyrysynda osyndaı málimet aıtty.

— QazMunaıGaz ınvestıtsııalyq portfelinde qazir polıetılentereftalat jáne karbamıd óndirisin jolǵa qoıatyn eki joba bar. Karbamıd jobasy ishki naryqtyń azot tyńaıtqyshtary boıynsha qajettilikterin qamtamasyz etip, aýyl sharýashylyǵy taýarlaryn óndirýshilerdiń tıimdiligin arttyrýǵa múmkindik beredi. Bul joba boıynsha seriktes belgilendi, birlesken mekeme qurý jumystary jáne tehnıkalyq-ekonomıkalyq negizindemeni ázirleý aıaqtalýda. Joba quny — 1,2 mlrd dollar, — dedi «QazMunaıGaz» basshysy.

Polıetılentereftalat — qaptaýysh materıaldar men toqyma talshyǵyn jasaýǵa arnalǵan jeńil plastık. Bul ónimdi Qazaqstan da, Orta Azııanyń barlyq elderi de ımporttap otyr.

— Qazirgi tańda strategııalyq seriktes izdeý jumystary júrip jatyr, — dedi Ashat Hasenov,
Buǵan deıin elimizde munaı-gaz-hımııa ónerkásibi týraly zań jobasy ázirlenip jatqanyn jazǵan edik.