«QazMunaıGaz» kompanııasynyń qarjylyq-sharýashylyq qyzmetiniń ótken 10 aıdaǵy qorytyndysy damýdyń oń qarqynyn saqtap otyr
ANA. 29 qarasha. QazAqparat - «QazMunaıGaz» ulttyq kompanııasy 2010 jyldyń ótken 10 aıyndaǵy kompanııanyń qarjy-sharýashylyq qyzmetiniń qorytyndylary týraly habarlady.
2010 jyldyń qańtar-qazan aılarynda kompanııalar tobynda munaı jáne gaz kondensatyn óndirý shoǵyrlandyrylǵan derekter boıynsha 18 238 myń tonnany qurady, bul 2009 jyldyń osy merzimimen salystyrǵanda 17,49 paıyzǵa artyq.
Atalǵan merzimde sondaı-aq munaı óńdeý kólemi shoǵyrlandyrylǵan derekter boıynsha 12 221 myń tonnany qurady, bul ótken jyldyń osy merzimindegi kórsetkishten 32,79 paıyzǵa artyq. Sonymen birge Qazaqstandaǵy úsh munaı óńdeý zaýytynda 9 465 myń tonna munaı óńdeldi.
Al «QazTransOıl» AQ magıstraldyq munaı qubyry júıesi boıynsha munaı tasymaldaý kólemi 2010 jyldyń qańtar-qazan aılarynda shoǵyrlandyrylǵan derekter boıynsha 54 594 myń tonnany qurady, bul 2009 jyldyń osy merzimimen salystyrǵanda 3,5 paıyzǵa kóp.
Qańtar-qazan aılarynda «Intergaz Ortalyq Azııa» AQ magıstraldy gaz qubyry boıynsha tabıǵı gaz tasymaldaý kólemi 81 773 mlrd. tekshe metrdi qurady, bul 2009 jyldyń osy merzimindegi kórsetkishten 10,6 paıyzǵa artyq.
Qolaıly baǵa konıýnktýrasy jıyntyǵynda josparlanǵan óndiristik kórsetkishter deńgeıine qol jetkizý kompanııanyń qarjy ındıkatorlarynyń jumysyna oń áserin tıgizdi.
2010 jyldyń qańtar-qazan aılarynda QazMunaıGazdyń shoǵyrlandyrylǵan kirisi 1 842 mıllıard teńgeni qurady, bul ótken jyldyń osy merzimindegi kórsetkishten 13,64 paıyzǵa artyq.
Kompanııada sonymen qatar ınvestıtsııalyq saıasat belsendi túrde júrgizilýde. 2010 jyldyń esepti kezeńinde kúrdeli qarjy ótken jyldyń osy merzimimen salystyrǵanda 19,28 paıyzǵa kóterilip, 306,8 mıllıard teńgeni qurady.
Jalpy alǵanda, 2010 jyldyń qańtar-qazan aılaryndaǵy qarjy-sharýashylyq qyzmettiń kórsetkishteri QazMunaıGazdyń oń damý qarqynyn saqtap otyrǵanyn kórsetýde.
