«QazMunaıGaz» kompanııasynyń birinshi jartyjyldyqtaǵy kirisi 25 paıyzǵa artty
TANA. 24 tamyz. QazAqparat /Qanat Mámetqazyuly/ - Aýdıttelmegen aldyn-ala málimetterge qaraǵanda, «QazMunaıGaz» kompanııasynyń 2011 jyldyń birinshi jartysyndaǵy shoǵyrlandyrylǵan kirisi 2010 jylǵy kórsetkishten 25 paıyzǵa artyp, 1,34 trln. teńgeni qurady.
Bul týraly kompanııanyń baspasóz qyzmetinen habarlandy.
«Jalpy QMG boıynsha, aldyn-ala málimetterge sáıkes 2011 jyldyń qańtar-shilde aılarynda úlestik ádis boıynsha shoǵyrlandyrý qaǵıdatymen eseptegende memleket bıýdjetine 251,7 mln.teńge salyq jáne basqa mindetti tólemder tólendi. Munyń ózi, ótken jyldyń osy merzimindegi kórsetkishten 16 paıyzǵa artyq. Memleket basshysynyń tapsyrmasyn júzege asyrý sharalary aıasynda esepti merzimde munaı óńdeý jáne munaı hımııa salasyn damytý jobalary boıynsha jáne «QMG» kompanııalary tobynyń satyp alýynda qazaqstandyq úlesti arttyrý jumystary odan ári jalǵastyryldy», - delingen baspasóz habarlamasynda.
