«QazMunaıGaz» kompanııasynyń ákimshilik-basqarý qyzmetkerleriniń tórtten biri qysqartyldy

ASTANA. 16 naýryz. QazAqparat - Búgin «QazMunaıGaz» AQ dırektorlar keńesiniń basshysy, «Samuryq-Qazyna» AQ Basqarmasy tóraǵasy Ómirzaq Shókeevtiń qatysýmen dırektorlar keńesiniń kezekti otyrysy ótti.

«QazMunaıGaz» UK» AQ basqarmasynyń tóraǵasy Lázzat Qıynov otyrys barysynda kompanııanyń sońǵy aıdaǵy qyzmeti men negizgi ózgeristeri jaıly baıandama jasady.

Qıynovtiń málimeti boıynsha, ońtaılandyrý maqsatymen «QazMunaıGaz» AQ ákimshilik-basqarý qyzmetkerleri 23 paıyzǵa qysqartyldy, sonymen qatar bul qysqartý jumystary áli de jalǵasýda.

«Ońtaılandyrý nátıjesinde bir ókilettiń qosarlanýyn boldyrmaý, basshy qyzmetkerlerdiń aldyna qoıylǵan mindetterdi oryndaý jaýapkershilikterin arttyrý jumystary júrgizildi», - dedi L. Qıynov.