«QazMunaıGaz» kompanııasyn Bolat Aqsholaqov basqarady
TANA. 5 qazan. QazAqparat - Bolat Aqsholaqov «QazMunaıGaz» Ulttyq kompanııasy» AQ Dırektorlar keńesiniń múshesi jáne basqarma tóraǵasy bolyp taǵaıyndaldy, dep habarlady «Samuryq-Qazyna» UÁQ» AQ baspasóz qyzmeti.
Búgin Qazaqstan Respýblıkasynyń Premer-Mınıstrimen kelisý arqyly «Samuryq-Qazyna» UÁQ» AQ basshylyǵynyń sheshimimen basqa jumysqa aýysýyna baılanysty «QazMunaıGaz» UK» AQ basqarma tóraǵasy Qaıyrgeldi Qabyldınniń ókilettiligi toqtatyldy.
Bolat Oraluly Aqsholaqov 1971 jyldyń 9 sáýirinde Atyraý oblysynyń Gýrev qalasynda dúnıege keldi. 1993 jyly Qazaq memlekettik basqarý akademııasyn ekonomıst mamandyǵy boıynsha támamdady. Ár jyldary Alem Bank Kazakhstan fılıaldary qyzmetinen baqylaý jasaý departamentiniń bas ekonomısti, Ortalyq-Azııa yntymaqtastyq jáne damý bankiniń aktıvterdi basqarý departamentiniń dırektory, «Qazaqoıl» UMK» AAQ TShO departament dırektorynyń orynbasary, «QazMunaıGaz» AQ BK úlesterdi basqarý jónindegi qarjy dırektory, sonymen qatar QR Energetıka jáne mıneraldy resýrstar vıtse-mınıstri qyzmetterin atqardy.
