QazMunaıGaz kompanııasy ońtaılandyrý jumysyn bastady

NUR-SULTAN. QazAqparat – QazMunaıGaz kompanııasy ońtaılandyrý jumysyn bastady. Bul týraly QR Energetıka mınıstri Nurlan Noǵaev Ortalyq kommýnıkatsııalar qyzmetinde ótken onlaın brıfıngte aıtty, dep habarlaıdy QazAqparat tilshisi.

«QazMunaıGaz kompanııasy ońtaılandyrý jumystaryn apparattyq ortalyqtan bastady. Bul úrdis óziniń qaramaǵyndaǵy enshiles mekemelerde ári qaraı jalǵasyn tabatyny sózsiz. Biraq bul jumysshylarǵa kóp áserin tıgizbeýi kerek degen usynys bar. QazMunaıGaz kompanııasynyń ustanymy osyndaı», - deıdi QR Energetıka mınıstri Nurlan Noǵaev.

Onyń aıtýynsha, ońtaılandyrý jumysy jumyssyzdardy jappaı qysqartýǵa alyp kelmeıdi.

«Óńirlerge qoıylatyn basty talap – munaı salasyndaǵy qyzmetkerlerdi sebepsiz jumystan bosatýdy boldyrmaý», - deıdi ol.