«QazMunaıGaz» kompanııasy «Eń úzdik jumys berýshi - basqarýshy kompanııa» atalymy boıynsha jeńimpaz atandy
ASTANA. 10 naýryz. QazAqparat - 2011 jyly 10 naýryzda «Adam resýrstaryn basqarý: HR-degi ınnovatsııalar» atty VI halyqaralyq konferentsııa sheńberinde «Cenim 2010» Birinshi qazaqstandyq baıqaýdyń qorytyndysy shyǵarylyp, 7 atalym boıynsha Qazaqstan Respýblıkasyndaǵy úzdik jumys berýshiler anyqtaldy,
dep habarlady «QazMunaıGaz» ulttyq kompanııasynyń baspasóz qyzmeti.
«QazMunaıGaz» UK AQ «Eń úzdik jumys berýshi - basqarýshy kompanııa» atalymy boıynsha «Senim-2010» baıqaýynda jeńimpaz atandy.
«Senim-2010» baıqaýy Qazaqstan Respýblıkasy Eńbek jáne halyqty áleýmettik qorǵaý mınıstrliginiń jáne Qazaqstannyń «Atameken Odaǵy» Ulttyq ekonomıkalyq palatasynyń qoldaýymen 2010 jyly qarasha aıynda bastalǵan bolatyn.
Baıqaýǵa qyzmetkerler sany 50-den kem bolmaıtyn kompanııalar qatysty.
Elimizdiń 14 aımaǵy men Almaty jáne Astana qalalaryndaǵy Úzdik jumys berýshi-kompanııany anyqtaý maqsatynda «Ómir súrý deńgeıiniń ózgerý dınamıkasy, Qazaqstan Respýblıkasy turǵyndarynyń jumyspen qanaǵattanýy jáne áleýmettik jaǵdaıy» (3000 respondenttiń pikiri suraldy) taqyrybynda zertteý júrgizildi.
Qatysýshy kompanııalardyń anketasy (jumys berýshiniń anketasy) jınalyp, olarǵa taldaý jasaldy. Sonymen birge qyzmetkerler sany 250 den az kompanııalarda qyzmetkerlerdiń 20%, al qyzmetkerler sany 250 den astam kompanııalarda -15% pikiri suraldy.
Sonymen qatar qorytyndy shyǵarylar kezde sarapshy qazylar alqasynyń kompanııanyń júzege asyrǵan adam resýrstaryn basqarý salasyndaǵy saıasaty /jumys berýshiniń anketasy) jáne úzdik HR-jobasy jónindegi baǵasy esepke alyndy.
Quramynda HR salasyndaǵy elimizdiń belgili sarapshylary bar sarapshy qazylar alqasy «QazMunaıGaz» UK AQ kadrlyq menedjmenttiń joǵary deńgeıin moıyndap, sonymen birge kompanııanyń personaldy irikteý, baǵalaý jáne damytý jóninde ustanǵan saıasaty, sonymen qatar yntalandyrý júıesi, kadrlar rezervimen jumys isteý, korporatıvtik mádenıetti qalyptastyrý jaǵdaıy atap ótildi.
«Cenim-2010» baıqaýynyń jeńimpazdaryna dıplomdar jáne belgili sheber Serik Rysbekovtyń kúmisten jasaǵan statýetkasy tabys etildi.
Qazaqstan kompanııalarynyń básekege qabilettiligin baǵalaý jáne personalmen jumys isteýde ınnovatsııalyq ádisterdi engizý maqsatynda halyqaralyq konferentsııaǵa qatysýshylar «Cenim» baıqaýyn jyl saıyn ótkizip turý týraly bastamany qoldady.
