QazMunaıGaz Mańǵystaýdaǵy ereýilge qatysty túsinikteme berdi

AQTAÝ. KAZINFORM – Ulttyq kompanııanyń baspasóz qyzmetiniń habarlaýynsha,  Mańǵystaý oblysyndaǵy «Munaıspetssnab kompanııa» JShS qyzmetkerleriniń ereýili aıaqtalǵan. Jumys berýshi men eńbek ujymy kelispeýshilikti sheshti.

- 2025 jylǵy 29 qazandaǵy jaǵdaı boıynsha «Munaıspetssnabkompanı» mekemesindegi jaǵdaı retteldi. Kásiporynnyń jumysy tolyq qalpyna keltirildi. Eńbek ujymy óz jumys oryndaryna oraldy, - delingen habarlamada.

Ulttyq kompanııanyń málimetine súıensek, talaptar tikeleı «Munaıspetssnabkompanı» JShS basshylyǵyna joldanǵan. Kompanııa basshylyǵy men qyzmetkerler arasyndaǵy kelissózder nátıjesinde, kelispeýshilikterdi sheshý týraly kelisimge kelgen.

Aıta keteıik, «Munaıspetssnabkompanı» JShS «ÓzenMunaıServıs» JShS-ne kólik qyzmetin kórsetedi.

Buǵan deıin Aqtaýda turǵyn úı jertólesinde jarylys bolyp, 5 adam zardap shekken bolatyn.

Búgin Aqtaýdaǵy jarylysqa qatysty boljam aıtyldy.