«QazMunaıGaz» kompanııalary tobynyń 9 aıda óndirgen munaı jáne gaz kondensaty 15,7 mıllıon tonnany qurady
TANA. 25 qazan. QazAqparat /Aıdar Ospanalıev/ - «Aldyn ala málimetter boıynsha, «QazMunaıGaz» kompanııalary toby boıynsha 2011 jyldyń 9 aıynda munaı jáne gaz kondensatyn óndirý kólemi 15,7 mıllıon tonnany qurady»,-
dep habarlaıdy «QazMunaıGaz» ulttyq kompanııasynyń baspasóz qyzmeti.
Baspasóz málimetterine qaraǵanda, 9 aıdyń jetistigi ótken jyldyń osy merzimimen salystyrǵanda 4 paıyzǵa kem. Sonymen birge bıylǵy jyldyń 9 aıynda kompanııa 2,1 mıllıon tonna tabıǵı gaz óndirdi. Bul kórsetkish ótken jylǵymen birdeı bolyp otyr. Aǵymdaǵy jyldyń 24 qazanynda Astana qalasynda «QazMunaıGaz» ulttyq kompanııasynyń keńeıtilgen Basqarma májilisi ótken bolatyn. Onda kompanııanyń 2011 jylǵy 9 aıyndaǵy qarjy-sharýashylyq qyzmetiniń aldyn-ala qorytyndylary shyǵaryldy. Oǵan sáıkes, magıstraldy qubyrlar arqyly munaı tasymaldaý 50,4 mıllıon tonnany qurap, bul meje ótken jylǵydan 3 paıyzǵa asyp tústi. Al bıylǵy jyldyń qańtar-qyrkúıek aılarynda teńiz arqyly munaı tasymaldaý kólemi 22 paıyzǵa ósip, 6,2 mıllıon tonnany qurady. Sondaı-aq gaz tasymaldaý kólemi 82 mıllıard tekshe metrdi qurady, bul kórsetkish ótken jyldyń sáıkes merzimindegiden 9 paıyzǵa artyq bolyp otyr.
