«QazMunaıGaz» kompanııalary toby birinshi jartyjyldyqta munaı men gaz kondensatyn byltyrǵa qaraǵanda 05 paıyzǵa kem óndirdi
TANA. 24 tamyz. QazAqparat /Qanat Mámetqazyuly/ - Aldyn-ala málimetterge qaraǵanda, «QazMunaıGaz» kompanııalary toby boıynsha 2011 jyldyń 1-jartysynda munaı jáne gaz kondensatyn óndirý 10,67 mln. tonnany qurady.
Atalǵan kórsetkish 2010 jyldyń osy merzimimen salystyrǵanda 0,5 paıyzǵa kem. Bul týraly kompanııanyń baspasóz qyzmetinen habarlandy.
«Esepti kezeńde tabıǵı gaz óndirý 1,4 mln. tonnany qurady, bul ótken jyldyń kórsetkishimen salystyrǵanda 2 paıyzǵa artyq. Magıstraldy munaı qubyrlary arqyly munaı tasymaldaý kólemi 33,7 mln. tonnaǵa jetip otyr. Atalǵan kórsetkish ótken jyldyń osy merzimindegi kórsetkishten 3 paıyz artyq. Sonymen qatar, 2011 jyldyń birinshi jartysynda teńiz arqyly munaı tasymaldaý kólemi 24 paıyzǵa artyp, 4,2 mln. tonnany qurady», - delingen baspasóz aıǵaǵynda.
Budan bólek, málimetterge qaraǵanda, jyl basynan beri gaz tasymaldaý kólemi 54,3 mlrd.tekshe metrdi quraǵan. Al 2011 jyldyń 1 shildesindegi jaǵdaı boıynsha, shoǵyrlandyrylǵan munaı óńdeý kólemi (The Rompetrol Group-ty qosa eseptegende) 7,4 mln. tonnany qurady. Bul kórsetkish ótken jyldyń osy merzimimen salystyrǵanda 5 paıyzǵa kem. Sonymen qatar, 2011 jyldyń birinshi jartysynda elimizdegi úsh munaı óńdeý zaýytynda shoǵyrlandyrylǵan munaı óńdeý kólemi 5,3 mln. tonna shamasynda boldy.
